Toyota Cheetah Bulletin 40

Harold Verster lig sluier oor Vrystaat-rugbysake

Die bestuur van Vrystaat-rugby het ná kritiek uit verskillende oorde die afgelope tyd ’n spesiale verslag oor sy werksaamhede aan Volksblad beskikbaar gestel. Luidens die verslag is daar heelwat positiewe ontwikkelings in dié rugby-unie.

Die bestuur van Vrystaat-rugby het die afgelope jaar verskeie positiewe stappe gedoen, sê Harold Verster, besturende direkteur van die Cheetahs, in die verslag.

Om dié aksies op ’n hoogs professionele wyse te hanteer, het die direksie en bestuur van Vrystaat-rugby die afgelope 18 maande vier konsultantgroepe ingespan.

Verster sê daar is veral op die sake-strategie van die maatskappy gefokus.

’n Nuwe rugby- en bemarkingstrategie, asook ’n finansiële volhoubaarheidsaksieplan, is ontwikkel.

Daarbenewens is personeelstrukture en personeelsake herontwerp.

Die geriewe en velde word met die hulp van kundige konsultante op die beste moontlike manier in die uitmergelende Bloemfonteinse klimaat onderhou en bestuur.

“Die impak van hierdie aksies sal reeds volgende jaar gesien word, maar die volle effek sal langer duur,” aldus Verster.

Stewige boublokke

Luidens die verslag het Vrystaat-rugby se onafhanklike oudit- en risikokomitee die bestuur geloof vir die stewige boublokke wat vir die toekoms van Vrystaat-rugby opgerig is, asook die harde werk wat gedoen is om Vrystaat-rugby weer op ’n wenpad te kry.

Ryno Opperman, ’n Bloemfonteinse sakeman en oud-Vrystaatspeler en -kaptein, is tot voorsitter van die Vrystaat-Cheetahs-Maatskappy verkies.

Daarbenewens is die volgende nuwe hoofde aangestel:

  • Finansies: Karien Delport, ’n geoktrooieerde rekenmeester en ouditeur.
  • Rugbysake: Rory Duncan, ’n oud-Cheetah-kaptein en kaptein van die Cheetahs wat in 2006 die Curriebeker met tien internasionale sterre ’n derde keer ingepalm het.
  • Bemarking: Kobus le Roux.
  • Mediese aktiwiteite: Dr. Louis Holtzhausen, ’n topdokter wat ook die spandokter van Suid-Afrika se Olimpiese span was.
  • Nuwe fiksheidskundiges en fisioterapeute en ander deskundiges is ook aangestel.
  • Akademie: M.J. Smith, ’n oud-Cheetah en gewese SA A-speler, is van 1 Januarie 2015 die bestuurder van ’n nuutontwerpte akademie. Dit is ’n totale nuwe benadering om jong spelers se vaardigheidsvlakke te ontwikkel en om te verseker dat wanneer hulle op o.19-, o.21- en hoër vlakke inskakel by Vrystaat-rugby, almal vertroud met die strukture sal wees.
  • Met Megapro se hulp is nuwe aanvullingsprodukte van USN as borgskap bekom.

Die lede van die Vrystaatse direksie bestaan uit vooraanstaande sakemanne wat ook vennote van SuperSport se kundigheid insluit, asook drie gesoute oud-rugbyspelers, sê Verster.

Hierdie direkteure werk gratis en vir die liefde vir die spel en word slegs minimaal vir klein uitgawes vergoed.

Heelparty van dié direkteure stel ook groot borgskappe vir Vrystaat-rugby beskikbaar.

Verster sê wat die span betref, is ’n klimaatstudie vroeg vanjaar onder die spelers gedoen.

Die Cheetah-span sal voortaan ook by die Vrystaatse Sportwetenskap-instituut (FSSSI) oefen, waar die beste fiksheidstoerusting is.

“Dit alles is en word gedoen om die span op die hoogste fiksheid- en kragvlakke te kry en die regte ingestelheid te verseker.”

Agt Springbokke

Hoewel die Cheetahs se Superspan ’n moeilike jaar beleef het, het die Vrystaat agt Springbokke opgelewer. Hulle is: Willie le Roux, Cornal Hendricks, Coenie Oosthuizen, Johan Goosen, Lood de Jager, Adriaan Strauss, Trevor Nyakane en die Vrystaat se nuutste Springbok, Oupa Mohoje.

“Neem ook in ag dat daar tans 34 oud-Vrystaters en huidige Vrystaters is wat weens aantreklike geldelike voordele in die buiteland speel.”

Hy sê verdere bewys van die Vrystaat se bydrae tot Suid-Afrikaanse rugby in die algemeen, is dat 12 Springbokke wat in die huidige toergroep in Europa is, oud-Vrystaters is.

Op junior vlak het die Vrystaat ook baie goed gevaar en die o.19-span het tweede in sy liga geëindig, die o.21-span vierde en albei het die halfeindronde gehaal.

Die Curriebeker-span, wat vyfde was, was ongelukkig om nie in die halfeindronde te speel nie, sê Verster. Sewentien van die 39 spelers wat in die Curriebeker-kompetisie gekies is, was nuwelinge. Dit is omdat die Vrystaat agt Springbokke opgelewer het, terwyl nege ander topspelers beseer was.

Die Vrystaat se vrouespan het die interprovinsiale A2-kompetisie gewen en was onoorwonne.

Verster sê dié prestasies moet gesien word teen die agtergrond daarvan dat die Vrystaat minder as ’n derde van die groot unies se spelerskontrakgeld tot sy beskikking het.

Transformasie

Wat transformasie betref, het die Vrystaat van die beste prestasies in die land gelewer. Nie minder nie as nege gekleurde spelers het in 2014 vir die Toyota-Cheetahs in die Super-kompetisie uitgedraf het.

In 2014 was daar boonop 12 gekleurde spelers in die Toyota-Vrystaat-Cheetahs se oefengroep.

Ná Hanyani Shimange, die eerste Vrystaatse gekleurde speler wat Springbok geword het, het die Vrystaat nóg 19 gekleurde Springbokke opgelewer. Nege van die Vrystaat se laaste 20 Springbokke – dus 45% – was spelers van kleur.

 

‘n Akademie vir rugby

’n Rugby-akademie met die doel om skolerugbyspelers in die sentrale streek ná skool vir die streek behoue te laat bly, open in Januarie sy deure in Bloemfontein.

Dié skoolseuns sal ook voorberei word om in die buiteland te kan speel as hulle kans sou kry om oorsee te gaan speel.

Die doel is om ’n breër spelerbasis te ontwikkel, wat later as voedingsbron vir die hele sentrale streek kan dien. Dít word in samewerking met Vrystaat-Rugby gedoen, met die steun van Griekwas en die Griffons.

Chris Kasselman, ‘n gewese losskakel van die Vrystaat en die destydse Transvaal en een van die bestuurslede van die akademie, het op navraag gesê spelers van Griekwas en die Griffons sal in die Curriebeker-reeks se o.19- en 0.21-afdelings aan dié unies beskikbaar gestel word.

Ander spelers, wat nie deur die Vrystaat benodig word nie, kan dan ook aangewend word om Griekwas en Griffons te versterk en terselfdertyd aan daardie spelers provinsiale blootstelling te gee.

“Die hoofdoel is om aan die spelers blootstelling te gee. ’n Speler wat nie deur Vrystaat ingespan word nie, sal aan Griekwas of die Griffons beskikbaar gestel word. Sodoende kry hulle speelkans tot hul eie voordeel en die voordeel van die spanne.”

Die Vrystaat, Griekwas en Griffons lewer jaarliks van die beste skole-rugbyspelers in die land, maar wanneer van dié spelers nie ’n Cravenweekspan haal nie, verdwyn hulle waarskynlik vir goed uit die spel.

“Ons wil aan jong rugbyspelers die geleentheid gee om raakgesien te word en hulle aan die eise van beroepsrugby blootstelling te gee,” sê Kasselman.

Die akademie wil die junior klubliga in Bloemfontein versterk om spelers blootstelling daaraan te gee om teen die jong spelers van die Universiteit van die Vrystaat (UV) en die Sentrale Universiteit vir Tegnologie (SUT) te speel.

Christo Rothman en Johan Paulsen is ook deel van die akademie se bestuurspan. Onderhandelinge is met die Suid-Afrikaanse Rugby-unie aan die gang, asook met Tiaan Liebenberg, Braam van Straaten en Jacques Juries om die afrigtingspan te versterk.

Liebenberg en Van Straaten, wat albei in die buiteland gespeel het, sal help om spelers voor te berei om in die buiteland te kan speel.

“Die akademie het op ’n konsultasiegrondslag toegang tot byna al die afrigters in Bloemfontein,” sê Kasselman.

“Grey-kollege het sy geriewe en afrigters aan ons beskikbaar gestel. Ons glo die spesiale kennis waaroor al dié afrigters beskik, sal tot die akademie se sukses bydrae.

“Ons leuse is ‘the pathway to professional rugby’, en ons glo talent sonder harde werk is nie veel werd nie.”

Daar word beoog om die akademie in Januarie 2015 te open.

¦ Meer inligting is op die webtuiste by www.bloemrugby.co.za beskikbaar. Borge word genader om sodoende die koste vir spelers te probeer verminder.

 

VS kan baie by Drotské se reis baat

Van die oorsese kennis wat Naka Drotské onlangs opgedoen het, kan veral help om die Cheetahs se verdediging weer rotsvas te kry.

Goeie lakwerk is juis volgens die Cheetah-afrigter een van Saracens se sterk punte en daarom kan sy span by dié Engelse klubspan leer.

Die Cheetah-bestuurspan sal ’n paar goed wat Drotské oorsee wys geword het, bespreek en besluit hoe hulle dit kan toepas.

Die breier se vergrote Super-groep het verlede week die eerste keer saamgetrek nadat hy besoek by die Engelse klubspanne London Irish en Saracens en die Japanse span Toyota Verblitz afgelê het.

Volgens Drotské was sy besoeke waardevol en kan dit sy span help.

Een só ’n afdeling is op die verdediging, waar die Cheetahs vanjaar te veel Super-drieë gelek het.

“Die groot ding by Saracens was die verdediging,” het hy gesê.

“Dit is ook waaraan ons moet werk. Ek het baie goeie idees by hulle gekry.

“Oor die algemeen is die verdedigingsplan wat hulle het die beste in Europa. Daaroor is daar nie twyfel nie. Veral hul uitvoering daarvan is baie goed.”

Paul Gustard, wat saam met Drotské by London Irish gespeel het, is Saracens se verdedigingsafrigter.

“Ek het goeie vergaderings met Saracens gehad en na hul oefeninge gekyk. Ons het ’n paar positiewe goed gekry wat ons wil implementeer.

“Ons het baie idees uitgeruil. Hulle weer met ons oor die manier waarop ons aanval en hoe ons in sekere sones speel.”

Met sy besoek aan London Irish het Drotské gesê die manier waarop sy voormalige klub dinge doen, is vergelyk met hoe die Cheetahs te werk gaan.

“Dié besoek was ook insiggewend en ’n paar verstellings sal gemaak word.”

By Toyota Verblitz het hy hoofsaaklik bande gesmee.

Hy kan nog nie veel verklap nie, omdat van die besluite wat geneem is, eers aan die Cheetahs se direksie voorgelê en bespreek moet word.

“Die idee is om op lang termyn beter verhoudinge met Toyota as hoofborg in Japan en Toyota, wat ons hoofborg is, te verseker.”

Twee Cheetahs wat tans in Japan vir die Docomo Red Hurricanes speel, is Heinrich Brüssow en Johann Sadie. Hulle keer terug vir Super-rugby.

“Ons speel op 24 Januarie in Polokwane teen die Bulle en die week daarop op 31 Januarie is die Versoeningsdag-wedstryd teen die Griffons in Bloemfontein. Dit is waar Celtic mos ook in ’n sokkerwedstryd in aksie is,” het Drotské gesê.

“Ons het nog nie duidelikheid of ons in albei wedstryde met twee spanne gaan speel nie, maar ons sal graag teen die Griffons met twee spanne wil speel. Ons teen die Griffons en die ander span dalk teen die plaaslike Vodacombeker-span. Ons wil graag soveel ouens moontlik kans gee,” het Drotské bygevoeg.

“Ons is tans ’n groot groep en sal 12 Desember sny wanneer ons klaar is. Dan sal die Springbokke terug wees en kan ons die groep so tot 36 spelers verklein.”

 

VS-rugby wens Volksblad geluk

Dit is vir my persoonlik, maar ook namens Vrystaat-rugby, ’n groot voorreg om Volksblad hartlik geluk te wens met 110 jaar se bestaansvieringe.

Dit is inderdaad ’n lang en indrukwekkende pad wat Volksblad deur moeilike en opwindende tye geloop het en die gemeenskap gedien het.

In die proses het Vrystaat- en Cheetah-rugby saam met Volksblad hier in Sentraal-Suid-Afrika gelewe en gestrewe en na my mening iets besonders vir ons gemeenskap gedoen en beteken.

Vrystaat-rugby het ’n beleid van openheid ten opsigte van kommunikasie en samewerking met die media en daarom het ons te alle tye begrip vir Volksblad wanneer Vrystaat-rugby moeilike tye belewe en hulle daaroor moet berig, maar terselfdertyd het ons groot waardering dat hulle ook te alle tye die goeie kant van Vrystaat-rugby en die Cheetahs positief uitdra.

Namens Vrystaat-rugby weer baie geluk en mag daar ’n baie mooi en voorspoedige toekoms vir Volksblad voorlê.

Mag die samewerking tussen Vrystaat-rugby en Volksblad steeds van krag tot krag gaan.

 

Harold Verster

Besturende direkteur: Vrystaat-rugby 

 

Zimbabwe se “cheetahs”skep verwarring

Die Vrystaat-Cheetahs gaan die Zimbabwiese Rugbyunie (ZRU) vriendelik versoek om die naam van sy sewesspan, die Cheetahs, te verander.

Dít nadat die Vrystaat-Cheetahs dié week toevallig in ’n e-pos van die ZRU raakgelees het dat sy sewesspan óók die Cheetahs heet en óók ’n jagluiperd op sy embleem het.

“Dit het pas onder ons aandag gekom. Ons embleme is geregistreer en beskermde besit.

“Ons is besig om aandag aan die saak te gee,” het mnr. Harold Verster, die besturende direkteur van die Cheetahs-maatskappy, gesê.

Verster-hulle beplan ook om die Suid-Afrikaanse Rugbyunie (Saru) in ’n skrywe te versoek om met sy Zimbabwiese eweknie oor die aangeleentheid te praat.

Die vrees bestaan by die Vrystaatse unie dat die ZRU se Cheetahs-sewesspan grootskaalse verwarring kan skep onder ondersteuners en selfs borge.

Die Vrystaat-Cheetahs het afgesien van sy Super- en sy Curriebeker-span in die vyftienmankode, ook ’n eie sewesspan wat jaarliks aan die interprovinsiale toernooi deelneem.

 

Elf Cheetahs kry kleure

Elf spelers sal op 3 Desember ten tyde van die jaareindgeselligheid van die Vrystaatse Rugby-unie hul kleure kry. ‘n Senior speler kry volle VS-kleure wanneer hy die Curriebekerspan in ses agtereenvolgende wedstryde, of in 10 wedstryde verspreid, verteenwoordig het.

 

Die volgende spelers kwalifiseer hulself vir kleure:

 

Dolph Botha (stut – 6).

Tienie Burger (flank – 10).

Neill Claassen (flank – 10).

JP du Plessis (senter/vleuel – 10).

Joubert Engelbrecht (sneter – 10).

George Marich (stut – 8).

Kevin Stevens (stut – 11).

Torsten van Jaarsveld (haker/kaptein – 10).

Henco Venter (slot – 10).

Francois Venter (senter – 9).

Shaun Venter (skrumskakel/vleuel/senter – 8).

 

Daarbenewens het Coenie Oosthuizen, Springbok-stut, sy Cheetah-totaal tot 54 wedstryde opgeskuif, en het  Francois Uys (68), Hercú Liebenberg (58), Waltie Vermeulen (46), Lappies Labuschagne (44), Trevor Nyakane (38), Boom Prinsloo (33), Sarel Pretorius (32) en Raymond Rhule (31) ook reeds in 30 of meer wedstryde vir die Cheetahs gespeel.

 

Sarel Pretorius het, afgesien van sy 32 wedstryde vir die Cheetahs, ook vir die Valke (18) en Griekwas (53) Curriebeker-rugby gespeel vir ‘n totaal van 103 Curriebeker-wedstryde.

 

Jaco en Cobus wél 12de Bok-pa-seun

Verwarring bestaan steeds of Jaco en Cobus Reinach die 10de óf die 12de pa-seun-kombinasie in Springbok-rugbygeskiedenis is. Hulle ís inderdaad die 12de paar.

Én, ál 12 pare het vir die Springbokke op die veld gedraf, hetsy in ‘n toets, hetsy in ‘n weeksdagwedstryd op ‘n Springbok-toer.

Hier is die volledige lysie, met die getal toetse/wedstryde wat elkeen van die 24 spelers in die Springbok-trui uitgedraf het:

 

Bl. 444 derek van den berg

 

  1. Alf (slot/flank – 1921-’24:14 wedstryde waarvan 6 toetse) en Harry Walker (stut – 1953-’56:19 wedstryde/4 toetse): Totaal wedstryde: 33.
  2. Cecil (slot – 1937:11 wedstryde/1 toets) en Mike Jennings (agtsteman – 1969-70: 10 wedstryde/geen toetse): Totaal wedstryde: 21.
  3. Felix (slot – 1949: 3 wedstryde/3 toetse) en Morné du Plessis (agtsteman – 1971-’80: 32 wedstryde/22 toetse): Totaal wedstryde: 35.
  4. Mauritz (slot – 1937: 18 wedstryde/4 toetse) en Derek van den Berg (stut – 1974-’76: 7 wedstryde/4 toetse): Totaal wedstryde: 25.
  5. Louis (flank – 1958-’62: 2 toetse) en Uli Schmidt (haker – 1986-’92: 25 wedstryde/17 toetse): Totaal wedstryde: 27.
  6. Joggie (skrumskakel – 1971-’72:10 wedstryde/6 toetse) en Joggie Viljoen (skrumskakel – 1996: 3 wedstryde-geen toetse): Totaal wedstryde: 13.
  7. Moaner (slot – 1974-’80: 23 wedstryde/17 toetse) en Wikus van Heerden (slot – 2003-’07: 16 wedstryde/14 toetse): Totaal wedstryde: 39.
  8. Schalk (slot – 1984-’86: 6 wedstryde/6 toetse) en Schalk Burger (flank – 2003-’14: 76 wedstryde/75 toetse): Totaal wedstryde: 82.
  9. Gysie (heelagter – 1980-’81: 21 wedstryde/13 toetse) en Ruan Pienaar (skrumskakel ens – 2006-’14: 85 wedstryde/80 toetse): Totaal wedstryde: 106/93 toetse.
  10. Hennie (slot – 1981: 10 wedstryde/2 toetse) en Andries Bekker (slot – 2008-’12: 31 wedstryde/29 toetse): Totaal wedstryde: 41.
  11. Flippie (stut – 1981-’89: 12 wedstryde/6 toetse) en Flip van der Merwe (slot – 2010-’13: 35 wedstryde/34  toetse): Totaal wedstryde: 47.
  12. Jaco (vleuel – 1986: 4 wedstryde/4 toetse) en Cobus Reinach (skrumskakel – 2014: 5 wedstryde/5 toetse): Totaal wedstryde: 9.

 

Bakkies, Jaque groet Bok-rugby

Bakkies Botha (slot) en Jaque Fourie (senter), Wêreldbeker-wenners in 2007, het die afgelope klompie dae hul uittrede uit internasionale rugby aangekondig.

  • Botha het sy toetsbuiging op 9 November 2002 teen Frankryk in Marseille op 23-jarige ouderdom gemaak en in sy 85ste en laaste toets as ‘n 35-jarige op 15 November in die oorwinning oor Engeland (31-28) op Twickenham gespeel.

Die 35-jarige Botha, wat lid van die seëvierende Springbokspan was wat in 2007 die Wêreldbeker verower het, het op ses spelers na die meeste toetse in ’n Springbok-trui uitgedraf.

Bakkies is een van ‘n handjievol spelers wat daarmee kan spog dat hy in die volgende wenspanne gespeel het:

Suid-Afrika (Wêreldbeker – 2007) en Drienasie (2004; 2009).

Bulle (Super14 – 2007; 2009).

Blou Bulle (Curriebeker – 2002; 2004; 2009).

Toulon (Heinekenbeker: 2013; 2014).

Hy hou ook saam met Victor Matfield die wêreldrekord vir die slotpaar wat in die meeste toetse – 63 – saamgespeel het.

Bakkies kan ook daarmee spog dat hy in meer wentoetse teen die All Blacks as verloortoetse gespeel het (8-7), terwyl hy oiokmin 2009 die genot gesmaak het om die Britse & Ierse Leeus in ‘n toetsreeks te troef.

Bakkies se 337 eersterangse wedstryde word deur net vyf ander Suid-Afrikaners oortref. Stefan Terblanché se rekordgetal is 430 eersterangse wedstryde. Bakkies het onder andere 87 wedstryde vir die Springbokke gespeel en 100 Super-wedstryde vir die Bulle.

Dán, Bakkies is op 17 Oktober 2009 ná slegs 58 sek. ná afskop in ‘n Curriebeker-wedstryd tussen die Blou Bulle en die Westelike Provinsie deur mnr. Mark Lawrence, die SA toetsskeidsregter, met ‘n geelkaart van die veld gestuur – die derde vinnigste dat ’n speler die trekpas in ‘n Curriebeker-wedstryd gekry het.

 

  • Fourie (31), wat steeds as een van die beste buitesenters in die wêreld beskou word, het gister sy uittrede uit die toetsarena aangekondig en hy sal voortaan sy rugby slegs in Japan speel.

Daar is onlangs nog bespiegel dat Fourie hom in 2015 by die Haaie gaan aansluit om Super-rugby te speel.

Jaque het sy debuut op 11 Oktober 2003 op die WB-toernooi teen Uruguay in Perth op 20-jarige ouderdom met ‘n drie gevier. Hy het 72 toetse vir die Bokke gespeel en was 32 keer saam met Jean de Villiers die Springbok-senterpaar – wat die SA rekord is.

Fourie het 28 drieë as senter gedruk, wat die SA rekord is. Hy’t ook 4 drieë as vleuel gedruk. Hy het 15 Wêreldbeker-wedstryde in 2003, 2007 (hy’t 4 drieë op dié toernooi gedruk) en 2011 gespeel, wat slegs deur John Smit (17 agtereenvolgens) en Os du Randt (16) onder Suid-Afrikaners oortref word.

Sy drie in 2009 wat die Bokke die reeks teen die Britse & Ierse Leeus help beklink het, is aangewys as die Internasionale Drie van die Jaar; én hy speel in 2009 sy 50ste toets teen Australië in Brisbane – ‘n jaar waarin Suid-Afrika ook die Drienasie-titel inpalm.

 

Ruan binnekort terug op die veld

Ruan Pienaar, Springbok-skrumskakel van Ulster, se kniebesering het sodanig herstel dat hy vroeg in Desember weer sal kan begin speel. Pienaar is op 13 September in Wellington, Nieu-Seeland, in ‘n Rugbykampioenskaptoets teen die All Blacks beseer én is sedertdien op die krukkerlys.

Ruan, wat saam met sy Springbok-pa, Gysie, in altesaam 106 wedstryde vir Suid-Afrika – onderskeidelik 80 en 13 toetse, asook 5 en 8 gewone Bok-wedstryde -  gespeel het, sê sy knie herstel baie goed op die behandeling wat hy kry en die opbou-oefeninge wat hy doen.

Hoewel hy natuurlik teleurgesteld is dat hy nie onlangs in die verloortoets teen Ierland kon speel nie, sê hy die Iere kan gewis in 2015 sterk aanspraak op die Wêreldbeker maak. Pienaar sê die Iere het baie goed teen die Bokke (29-15) en die Wallabies (26-23) gespeel om albei dié toetse te wen. Die Iere het vanjaar trouens net teen Engeland – op Twickenham – met 10-13 verloor.

 

Rugby se witkaart word beproef

Die witkaart-stelsel is volgende jaar voluit terug in die Varsitybeker-rugbyreeks . . . en die welslae daarvan kan ná die Wêreldbeker-toernooi veroorsaak dat dit ook na wêreldrugby uitgebrei word.

Dié kaart, waarmee ’n kaptein of afrigter kan vra vir ’n kykweer van ’n skeidsregter-beslissing, is in die eindstryd van die 2008-toernooi gebruik.

Dit sal in 2015 gebruik word in álle Varsitybeker-wedstryde wat op televisie uitgesaai word.

Veral gesien in die lig van verskeie omstrede onlangse beslissings op internasionale vlak, sal die herinstelling van die witkaart wyd verwelkom word, sê Duitser Bosman, uitvoerende hoof van die Varsitybeker.

André Watson, bestuurder: skeidsregtersake van die Suid-Afrikaanse Rugby-unie (Saru), sê: “Die witkaart is ’n stap in die regte rigting om skeidsregters te help om die belangrike beslissing reg te kry – en om aan kapteins en afrigters verantwoordelikheid te gee om met dié proses te help.”

Die witkaart kan gebruik word wanneer spel om watter rede ookal gestop word. ’n Kaptein of afrigter kan dan versoek dat ’n skeidsregter weer na ’n beslissing kyk wat volgens hulle verkeerd was – óf hulle kan die blaser versoek om weer te kyk na ’n oortreding wat nie raak gesien is nie en wat ’n beslissing regverdig.

Só ’n oortreding sal eers na die TV-skeidsregter verwys word, wat dit op sy beurt aan die skeidsregter sal oordra. Die TV-skeidsregter sal dan die voorval bestudeer en vir die skeidsregter oor nodige stappe adviseer.

Elke span (óf die afrigter óf kaptein) het net twee kykweers per wedstryd, waarvan een per helfte. Indien ’n appél suksesvol is, sal die span nóg ’n appél in daardie helfte kan loods.

Die Varsitybeker-reeks het reeds verskeie eksperimente met rugbyreëls geloods – eksperimente wat ná plaaslike welslae ook in wêreldrugby gebruik is.

Een hiervan was die agt spelers op die plaasvervangersbank – iets wat vandag wêreldwyd in toetse gebruik word.

Die drie punte vir doelskoppe en twee vir strafdoele, wat hardlooprugby aanmoedig, word reeds in die plaaslike Australiese reeks gebruik.

Superfiks Jannie speel 30 groot wedstryde in 2014

Jannie du Plessis, 32-jarige Springbok-vaskopstut, se spel is die afgelope tyd wyd aangeprys. Sommige kenners meen hy het in 2014 van die beste rugby van sy loopbaan gespeel.

Én, nie sonder rede nie. Want sien, Jannie het tussen 15 Februarie – ‘n Super15-wedstryd vir die Haaie teen die Bulle op Kingspark – en op 15 November – die toets teen Engeland op Twickenham – in 41 weke in 30 groot wedstryde gespeel!

 

Én toe die meeste Suid-Afrikaanse rugbyspelers in Junie ‘n blaaskansie gehad het, het Jannie eensklaps van Super-rugby – ‘n kragmeting op 31 Mei teen die Stormers – tot die hoër versnelling van toetsrugby – ‘n wedstryd teen die Wêreld-vyftiental op 7 Junie – oorgeskakel. Én, van die toets op 28 Junie teen die Skotte in Port Elizabeth – het Jannie weer die volgende Saterdag teen die Cheetahs in ‘n Super-wedstryd in Bloemfontein in die skrum gesak.

 

Daar was net ‘n week “rus” tussen die Super-halfeindstryd op 26 Julie teen die  Crusaders in Christchurch, Nieu-Seeland, en die eerste Rugbykampioenskap-toets op 16 Augustus teen Argentinië in Pretoria. Twee weke later het die Bokke na Salta in Argentinië gereis vir die volgende Rugbykampioenskap-wedstryd teen die Poemas. Én, van Poemaland het die manne koers gekry Perth, Australië, toe en op 13 September is die All Blacks in Wellington gepak. Jannie het darem tussen 4 Oktober en 8 November – met die toets teen Ierland in Dublin – ‘n ruskans gehad – ‘n ruskans wat egter weer gepaardgegaan het met ‘n lugreis van Suid-Afrika na Brittanje vir die einde-van-die-jaar-toetse.

 

Dit was dus geen groot verrassing nie dat die superfikse Jannie in die toets teen Engeland op 15 November sy dyspier beseer het, wat hom uit die laaste twee toetse teen Italië en Wallis gehou het.

Jannie het reeds 305 eersterangse wedstryde gespeel: 65 wedstryde vir die Springbokke en 132 Super-wedstryde onder andere.

Jannie se bydrae eindig egter nie met sy skrumwerk nie, maar die getal duikslae wat hy gereeld in hierdie harde kragmetings uitvoer. Du Plessis se werkverrigting was in sy laaste vier toetse sonder uitsondering beter as dié van sy teenstanders.  Hy’t teen Ierland en Engeland 21 duikslae uitgevoer en net een verbrou.

 

Pumbaa tóé Castro se moses

Trevor Nyakane, die Cheetahs se Springbok-loskopstut, het Saterdag in die toets teen Italië in Padua alle vrese besweer wat daar dalk oor sy skrumkrag kon gewees het.

Vooraf is in berigte gevra Can Pumbaa pass the Castro test?” Én, Trevor hét sy gevreesde teenstander en menige internasionale loskopstut se nagmerrie, Martin Castrogiovanni, duidelik later hoe kwater moedeloos met sy skrumkrag gehad.

Dis veral die Bokke se onbeproefde Cheetah-voorry – Coenie Oosthuizen, Adriaan Strauss en Nyakane – wat die rugbyringkoppe beïndruk het.

Coenie en Trevor was uitstekend in die voorry. Dit was ’n baie groot karaktertoets teen een van die beste voorrye ter wêreld. Hulle het nie net goed in die skrums gevaar nie, maar hulle het ook die bal goed gedra en baie duikslae uitgevoer.”

 

Én watter ongelooflike vertoning Nyakane gelewer het, die volgende statistieke:

Nyakane is 25 jaar oud, staan 1.78m in sy sokkies, weeg 120kg en dit was slegs sy 12de toets. Daarenteen is Castrogiovanni 33 jaar oud en speel hy reeds sedert 2002 internasionale rugby. Dié Italianer is 1.87m lank, weeg 120kg en dit was Saterdag sy 107de toets!!

Dis só jammer dat die Cheetahs in 2015 sonder ‘n Nyakane en Adriaan Strauss sal moet klaarkom, wat binnekort die tog noord oor die Vaalrivier Pretoria toe aanpak.

 

Blou Bulle kry nuwe rugbybaas

 

Gert Wessels het Louis Nel as die Blou Bulle-rugbyunie (BBRU) se president onttroon.

Die 60-jarige Wessels, voorsitter van die Polisie-rugbyklub, het Nel by Loftus Versfeld in die Bulle se presidentsverkiesing met nege stemme teenoor ses verslaan.

Kragtens die nuwe grondwet van die BBRU, wat verlede maand goedgekeur is, sal Wessels se termyn oor die volgende vier jaar strek.

 

Die BBRU se 12 vise-presidente en die drie lewenslange ere-vise-presidente – Boet Fick, Hentie Serfontein en Dolf van Huyssteen – het in die verkiesing gestem.

Wessels, voormalige uitvoerende hoof van Assupol, is ’n bekende in die Bulle se klubrugby-kringe. Hy het op sy dag vir Polisie senter gespeel en in die 70’s vir die destydse Noord-Transvaalse o.25-span uitgedraf.

Dit is die eerste keer in die unie se 76-jarige bestaan dat ’n verteenwoordiger van ’n tweedeliga-reserweklub in dié posisie verkies is.

 

Habana skuif SA drieë-toetsrekord op

Bryan Habana, Springbok-vleuel, het Saterdag met sy drie teen Italië, sy Bok-toetstotaal tot 57 drieë opgeskuif. Bryan is vierde op die wêreld-toetslys, wat só lyk:

 

69 – Daisuke Ohata (Japan – 58 toetse).

64 – David Campese (Australië – 101 toetse).

60 – Shane Williams (Wallis/Britse & Ierse Leeus – 91 toetse).

57 – Bryan Habana (Suid-Afrika – 106 toetse).

55 – Hirotoki Onozawa (Japan – 81 toetse).

50 – Rory Underwood (Engeland/Britse & Ierse Leeus – 91 toetse).

 

Op die SA eersterangse drieëlys is Habana agtste:

173 – Chris Badenhorst (Vrystaat/Katte/Suid-Afrika).

168 – Stefan Terblanché (Boland/KZN/SA/SA en Britse Barbarians, Ospreys,Wallis).

159 – Breyton Paulse (WP/Stormers/SA).

158 – Danie Gerber (VS/OP/WP/SA).

157 – James Small (Leeus/KZN/WP/SA).

156 – Gerrie Germishuys (VS/Tvl/SA).

156 – John Daniels (Boland/Leeus/Stormers/Bulle).

148 – Bryan Habana (Leeus/Bulle/Stormers/WP/SA/Britse Barbarians)

139 – Joost van der Westhuizen (Bulle/SA).

135 – André Joubert (VS/KZXN/SA).

 

Nieu-Seeland maak skoonskip met die eerbewyse

Brodie Retallick, die 23-jarige All Black-slot, is die afgelope Saterdag as Wêreldrugby se Speler van die Jaar aangewys.

Retallick het Duane Vermeulen (Springbok-agtsteman), Willie le Roux Bok-heelagter), die vleuel Julian Savea (Nieu-Seeland) en die losskakel Jonathan Sexton (Ierland) uitgestof.

Retallick het sy toetsbuiging in 2012 gemaak en Saterdag teen Wallis sy 33ste oorwinning in sy 36ste toets behaal. Hy is die vierde Nieu-Seelander wat die titel inpalm.

Die All Blacks is ook die agtste keer as Span van die Jaar aangewys en hul afrigter, Steve Hansen, is die derde agtereenvolgende jaar die Afrigter van die Jaar.

 

Die lysie pryswenners sedert 2001 is:

Speler van die Jaar: 2014 – Brodie Retallick (NS); 2013 – Kieran Read (NS); 2012 – Dan Carter (NS); 2011 – Thierry Dusautoir (Frank); 2010 – Richie McCaw (NS); 2009 – Richie McCaw (NS); 2008 – Shane Williams (Wallis); 2007 – Bryan Habana (SA); 2006 – Richie McCaw (NS); 2005 – Dan Carter (NS); 2004 – Schalk Burger (SA); 2003 – Jonny Wilkinson (Eng); 2002 – Fabien Galthie (Frank); 2001 – Keith Wood (Ier).

 

Span van die Jaar: 2010-2014 – Nieu-Seeland; 2009 – Suid-Afrika; 2008 – NS; 2007 – SA; 2006 – NS; 2005 – NS; 2004 – SA; 2003 – Engeland; 2002 – Frankryk; 2001 – Australië.

Afrigter van die Jaar: 2012-2014 – Steve Hansen (NS); 2011 – Graham Henry (NS); 2010 – Graham Henry (NS); 2009 – Declan Kidney (Ier); 2008 – Graham Henry (NS); 2007 – Jake White (SA); 2006 – Graham Henry (NS); 2005 – Graham Henry (NS); 2004 – Jake White (SA); 2003 – Clive Woodward (Eng); 2002 – Bernard Laporte (Frank); 2001 – Rod Macqueen (Aus).

 

Wallabies skuif van derde na vyfde af

Australië se slae op sy Europese toer teen Frankryk en Ierland het hom sy derde plek op die Wêreldrugby-ranglys gekos en die Wallabies beklee nou die vyfde plek na Nieu-Seeland, Suid-Afrika, Ierland en Engeland.

 

Engeland het wel sy vyf agtereenvolgende nederlae met ‘n sege van 28-9 oor Samoa beëindig, maar dit was nie genoeg om sy vyfde plek te verbeter nie. Dieselfde geld Nieu-Seeland en Suid-Afrika wat onderskeidelik met Wallis (34-16) en Italië (22-6) afgereken het. Nieu-Seeland is vyf jaar opeenvolgens in die top-posisie.

 

Samoa het gevorder, omdat Japan self teen die laer Georgië vasgeval het. Portugal (nóú 22e) het plekke met Namibië (23e) geruil nadat die Namibiërs afgelope naweek die knie teen die Portugese in Lissabon gebuig het.

 

Die jongste IRR-ranglys, wat Maandag vrygestel is, is (die spanne se vorige posisie en totaal word tussen hakies gegee): 1(1) Nieu-Seeland 93.70 (93.70); 2(2) Suid-Afrika 89.93 (89.93); 3(5) Ierland 85.48 (84.84); 4(5) Engeland 84.21 (84.21); 5 (4) Australië 83.59 (84.22); 6(7) Wallis 79.94 (79.94); 7(6) Frankryk 79.66 (81.47); 8(8) Skotland 78.78 (78.27); 9(9) Argentinië 78.23 (76.42); 10(11) Samoa 75.39 (75.39);11 (10) Japan 74.70 (76.07); 12 (13) Fidji 74.57 (74.18);13(12) Tonga 74.12 (74.62); 14(14) Italië 71.19 (71.19); 15(15) Georgië 70.76 (69.40); 16(16) VSA 67.61 (67.99); 17(18) Roemenië 67.38 (66.57); 18(17) Kanada 66.83 (67.64); 19(20) Rusland 64.12 (64.12); 20(20) Uruguay 63.58 (63.58); 21 (21) Spanje 60.65 (60.65); 22 (23) Portugal 58.56 (57.73); 23 (22) Namibië 58.27 (59.11); 24 (24) Korea 57.22 (57.22); 25 (25) Duitsland 56.32 (56.32); 26 (27) Zimbabwe 55.83 (55.83); 27 (25) Hong-kong 55.79 (55.79).

 

Welwitchias wéér in 2015 se Vodacombeker-reeks

Die Namibiërs glo vas hul Welwitchias-span sal vir 2015 se Vodacombeker-reeks veel beter voorbereid as voorheen wees.

Die Welwitchias het voorheen in 1999-2001 en in 2010-2011 met gemengde welslae aan die Vodacombeker-kompetisie deelgeneem.

Mnr. Bradley Basson, president van die Namibiese Rugby-unie, sê dit sal wonderlike voorbereiding vir sy spelers wees met die oog op hul deelname later in die seisoen aan die Wêreldbeker-toernooi in Engeland.

“Nie al Namibië se spelers kry blootstelling op ‘n hoë vlak nie en ons deelname aan die Vodacombeker-reeks sal aan hierdie manne die nodige voorbereiding vir die WB-toernooi gee,” het mnr. Basson gesê.

Sestien spanne sal om die Vodacombeker meeding en dit lyk of die Welwitchias ál hul bepalings in Windhoek sal kan afhandel.

 

Super18 in 2016

Die uitvoerende bestuur van Sansar – wat rugby in die Suidelike Halfrond beheer – het bekend gemaak dat ‘n Japanse en Argentynse span in die vergrote Super-kompetisie in 2016 sal deelneem.

Greg Peters, uitvoerende hoofamptenaar van Sansar, sê ‘n Japanse en Argentynse span sal in 2016 saam met die Kings van Suid-Afrika in die Super-kompetisie meeding.

 

Die Japanse en Argentynse span sal saam met die ses SA spanne – die Bulle, Haaie, Stormers, Cheetahs, Leeus en die Kings – in een konferensie speel. Die Australiese konferensie sal steeds uit die Reds, Waratahs, Brumbies, Rebels en die Western Force bestaan, met die vyf Nieu-Seelandse spanne – Crusaders, Chiefs, Highlanders, Hurricanes en die Blues – wat die derde konferensie uitmaak.

 

Wêreldklubkampioen in Februarie 2015 beslis?

Dit lyk of Mourad Boujellal, grootbaas van Toulon, die Europese klubkampioen, sy sin gaan kry dat sy kampioenspan vroeg in die nuwe jaar teen die Waratahs, huidige Super-kampioen, gaan speel.

Die wedstryd sal waarskynlik in die naweek van 5-8 Februarie 2015 plaasvind – ‘n week voor die Sesnasie-reeks begin en ‘n week voor die Super-kompetisie ’n aanvang neem.

 

All Blacks gaan 12 weke rus

Die oorgrote meerderheid van Nieu-Seeland se toetsspelers gaan ‘n ruskans van 12 weke kry voor die 2015-seisoen – ‘n seisoen waarin die All Blacks hul Rugbykampioenskap-titel en Wêreldbeker-kroon moet verdedig.

Dit beteken dus dat hierdie groep spelers minstens die eerste ronde van die Super-kompetisie gaan misloop voor die tweede reeks wedstryde op 20 Februarie 2015 plaasvind.

(*) – Inligting deur Frikkie van Rensburg

Posted by Pierre on November 27th, 2014 under General • 10 Comments

Toyota Cheetah Bulletin 39 – 19 Nov

Jaarverslag van die President van die Vrystaatse Rugby-unie

 

Super 15

Met ons terugblik op 2014 blyk dit dat die Super15-span nie dieselfde hoogtes bereik het as die span van 2013 nie. Die nuwelinge in die kompetisie, die Leeus, het ons naelskraap met 21-20 in Bloemfontein geklop. Daarna het ons darem ‘n plaaslike sege oor die Bulle van 15-9 behaal. Met selfvertroue het ons die oorsese toer aangepak net om wreed ontnugter te word deur Melbourne Rebels. Die beseringspook het begin loop en veral sy tol geëis aan die einde van die seisoen. Ons span moes met die tweede laaste plek tevrede wees. In 2016 word dit ‘n Super17-kompetisie met die toevoeging van twee nuwe spanne.

 

Curriebeker

Die Curriebeker-program is met nuwe gesigte aangepak – nie net wat spelers betref nie, maar ook in die afrigtingspan bestaandse uit Rory Duncan, Franco Smith en Os du Randt. Die span is sleg getref deurdat heelwat spelers vir nasionale verpligtinge opgeroep is, ander wat hul heil in die buiteland gaan soek het, én ‘n ellelange beseringslys. Met tye moes die hulp van klubspelers ingeroep word.’n Paar naelskraap-nederlae het ook veroorsaak dat ons nie vanjaar die Curriebeker-halfeindstryd gehaal het nie. Ons het vyfde geëindig. ‘n Paar jong manne het hul hand opgesteek en gewys dat hullle in die toekoms nog huishoudelike name gaan word. Die toewyding en durf van hierdie span was voorwaar iets om te aanskou by sekere geleenthede.

 

Vodacombeker

Die Vodacombekerspan het vanjaar met rasse skrede opgang gemaak. ‘n Enkele punt het ons gekeer om in die halfeindronde van hierdie kompetisie te speel.

 

Onder19’s en Onder21’s

Dié twee spanne het skitterrugby gespeel. Albei hierdie spanne was gemotiveerd en het tot die halfeindronde van hul onderskeie kompetisies deurgedring. Die toewyding van afrigters en spelers het beslis vrugte afgewerp. Die toekoms van Vrystaat-rugby lyk beslis belowend, wanneer ons na hierdie twee groepe spelers kyk.

 

Amateurspan

Die Vrystaatse Amateurspan het vanjaar skitterend op hul toernooi in Margate gepresteer. Die span het derde geëindig in ‘n uiters strawwe kompetisie. Dis voorwaar ‘n puik prestasie! Ook die Platteland het hul staal getoon en soms baie aantreklike rugby gespeel. Ons is groot dank verskuldig aan Boetie Steenkamp, Charlie May en hul bestuurspan, wat rugby op die platteland laat gedy.

 

Vroue-span

‘n Span wat vanjaar so stil-stil gepresteer het. Hulle het in die eindstryd van die interprovinsiale A2-kompetisie gespeel en het die Boland oortuigend met 34-0 geklop. Hierdie spelers moet baie opoffer om te kan oefen en ook om wedstryde te speel. Baie dankie aan ons Vrouevereniging vir hul volgehoue harde werk en toewyding!

 

SUT/Ixias

Nóg ‘n prestasie vanjaar was die suksesverhaal van die SUT se Ixias in die Varsityskild-kompetisie. As onoorwonne wenners van die Skild het die Ixias die voorreg verkry om in 2015 saam met die Shimlas van die UV in die Varsitybeker-reeks te speel. ‘n Liplekker-vooruitsig vir al die rugbyliefhebbers in Bloemfontein!

 

UV/Shimlas

Hierdie manne het uitstekend gevaar en net ‘n enkele punt was nodig om die halfeindronde van die Varsitybeker-reeks te haal! Wie sal ooit die dramatiese laaste minute in die wedstryd teen die Madibaz vergeet? Die Shimlas het gewen, maar het uiteindelik ‘n enkele punt gekort om tot die halfeindronde deur te dring.

 

Ons “Young Guns” en koshuiswenners was weer uitblinkers in hul onderskeie kompetisies en het die Vrystaat se naam hoog gehou. Puik bestuur, afrigting en uiters gemotiveerde spelers was die resep vir ‘n wensituasie.

 

Crusaders

Ernest Beck se Crusaders-klub vier in 2015 sy 21ste bestaansjaar. Om dٌit te vier gaan hulle ‘n derde agtereenvolgende keer aan die Nasionale Gemeenskapsbeker-kompetisie deelneem. Dit is voorwaar iets om op trots te wees en ons wens hulle alle sterkte toe.

 

Polisie

Polisie het so byna-byna ook tot die Nasionale Gemeenskapsbeker-kompetisie deurgedring. Baie geluk aan die SAPD as die wenners van die Vrystaat-beker waar hulle met groot eer uit die stryd getree het. Hulle het ‘n klinkende oorwinning oor Welkom Rovers in die eindstryd behaal.

 

Collegians

Collegians het in 2014 met ‘n jong dinamiese span weer in die eerste liga deelgeneem. Collegians voer groot planne in die mou, en in 2015 gaan die span met nuwe “vere” en geriewe by die Ramblers-klub spog.

 

Weermag

Ons het groot waardering vir die Weermag-klub wat vanjaar met ‘n mans- én die vroue-span aan die Nasionale Weermag-toernooi deelgeneem het. Hierdie klub is nadelig getref deur die ontplooiing van sy spelers, maar het, ondanks dié terugslag, al hul bepalings nagekom en baie harde werk verrig.

 

Mangaung

Mangaung het vanjaar met heelwat nuwe gesigte gespog en hul ywer om te leer en te verbeter, ook op administratiewe vlak, was noemenswaardig.

 

Warriors

Warriors het vanjaar hard geprobeer om spelers van elders te werf. Ondanks gebrekkige geriewe soms, het die bestuur voortgegaan om met dít tot hul beskikking hul beste te alle tye te lewer. Ons dank hulle daarvoor.

 

Steyners

Die Steyners het hul deelname aan die stadsliga geregverdig met uitstekende prestasies en ook ‘n baie goeie eindresultaat. Sonder enige geldelike hulp van die Unie het hul ondersteuners gesorg dat goeie prestasies behaal word.

 

Oud-Greys

Jul ondersteuning t.o.v. van jul geriewe, word opreg gewaardeer. Baie dankie!

 

Afrigtersvereniging

Mnre. Ackerman, Minnaar en betsuur het oneindig gedoen en ‘n groot taak verrig. Baie dankie vir ure se harde werk.

 

Platteland

Graag meld ek die jaarlikse en suksesvolle rugbydag wat op Burgersdorp gehou is. ‘n Fees in vele opsigte waar ons skeidsregters o.l.v. Albert Mocke en Schubel O’Reilly ‘n ontwikkelingstaak doen en baie opoffer. Plattelandse rugby het gedy. Dit verg harde werk om week ná week bepalings na te kom. Langafstande moet gereis word, maar steeds het ons Platteland ‘n groot bydrae tot rugby-ontwikkeling gedoen.

 

Cravenweek vir Hoërskole

Ons Hoërskolespan het op ‘n toernooi voor die Cravenweek die Bulle oortuigend geklop en doen dieselfde met die Leeus in ons eerste wedstryd op die Cravenweek. ‘n Baie sterk OP-span, én beserings, het ons in dié tweede wedstryd gekelder. Die Vrystaat lewer nietemin steeds twee spelers vir die SA Skolespan. Knap gedaan!

 

Grey-kollege word aan die einde van die seisoen as die top-skolespan in Suid-Afrika aangewys.

 

Cravenweek vir Laerskole

Op die Laerskool-Cravenweek het ons jong mannetjies die Bulle en die Haaie in uiters aantreklike wedstryde op Kingspark in Durban geklop. Ondanks ernstige beserings het ons steeds goed gevaar. Welgedaan aan ons jong manne!!!

 

Skeidsregters

Aan Albert Mocke, Schubel O’Reilly en die Skeidsregtersvereniging: Baie dankie manne! Wees verseker van ons waardering. Lang ure en laat aande het julle nie ondergekry nie. Sonder elkeen van julle sal daar nie rugby gespeel kan word nie en dit verdien vir julle ‘n klop op die skouer! Baie geluk ook aan heelwat van ons manne en vroue wat op internasionale en provinsiale terrein gepresteer het.

 

Maatskappy

Ek bedank graag ons maatskappy en sy personeel vir hul besondere werk en bydrae. Dankie aan Harold Verster. Jul enorme bydrae word opreg gewaardeer. Dit is harde werk wat julle doen en dikwels ook ‘n ondankbare een.

 

Terugskouend na hierdie jaar sien ons daar was hoogte- én laagtepunte. Dit is egter die verloop van die lewe en dis seker so bedoel om ons almal sterker en meer gemotiveerd te maak.

 

Personalia

Van ons raadsl;ede het Nasionaal gepresteer: Marius van Rensburg, Corrie Strydom (“citing commissioners”), Roelf Meyer (SA Skolekeurder), Josie O’Brien (SA Skole-bestuur), Albert Mocke (amptelike tyydhouer by ‘n toetswedstryd). Geluk ook aan Marius van Rensburg en Lou Nieuwoudt vir hul bydrae tot studenterugby op administratiewe vlak.

 

Dissiplinêre komitee

‘n Baie bedrywige komitee wat hul taak met groot onderskeiding behartig het. Dankie vir ‘n ondankbare maar baie belangrike taak wat julle verrig.

 

Finansiële bestuur

Groot dank en waardering aan Karien en elkeen wat getaak was met die finansies van die maatskappy en die unie. ‘n Baie belangrike werk wat julle met groot onderskeiding verrig.

 

“Old Boys”

Jul ondersteuning vanjaar was ‘n riem onder die hart, en elkeen van julle se bydrae is opreg gewaardeer. Weet dat julle altyd deel van hierdie unie sál bly!

 

Media

Die media het, soos in vorige jare, wye dekking aan ons gegee. Baie dankie aan een en elkeen van julle. Ons het groot waardering vir die werk wat julle doen. Dankie vir die bywoning van wedstryde en ook die kritiese evaluering van wedstryde, die maatskappy en die unie. Ons verwys hier nie net na die Volksblad nie, maar sluit alle streekkoerante en ons plaaslike radiostasies in.

 

Unie-personeel

Aan ons Unie-personeel! Duisend maal dankie en weet dat ons dít wat julle vermag, waardeer! Ons besef daar was ‘n tekort aan hande wat, danksy ‘n besluit van die Unieraad, in 2015 opgelos sal wees. Aan Selvyn en een elkeen van julle wat in die AK Volsteedt-gebou werksaam is, baie dankie!

 

Bedankings

 

  1. Cedric Carson, die Adjunk-president: Jy het voorwaar baie hard in 2014 gewerk. Jou bywoon van wedstryde, besoeke aan klub en verenigings, en jou volgehoue ondersteuning is ‘n riem onder die hart!
  2. Die Uitvoerende bestuur, Unieraad en alle sub-komitees. Elke bydrae is waardeer en was van onskatbare waarde.
  3. We need to thank our Premier, Mr Ace Magashule, for the major support we get from our government. It will be very tough to survive without your assistance. Herewith we also have to include Mr. Manyone and the Mangaung Municipality.
  4. We acknowledge the inputs and contributions of Mr. Bert Sorour, our Lifelong Member. Always willing to assist and still putting in hours of hard word on our behalf.
  5. Borge is van onskatbare waarde en die baie ruim bydraes van elkeen van hulle verseker ons voortbestaan. ‘n Groot dankie daarvoor! Weet verseker dat julle ons voedingsaar is en ons kan nie genoeg dankie daarvoor sê nie!
  6. Baie dankie aan elkeen wat die jaarvergadering bygewoon het. Elkeen van julle se insette en bydraes tot rugby word gewaardeer.
  7. Ons ontvang daagliks soveel seëninge. Soms so onverdiend en daarvoor sal die dankbaarheid oneindig baie wees.
  8. Mag elkeen van julle die Feestyd en daarmee gepaardgaande rustyd terdeë geniet.

 

Ek dank u elkeen.

 

Lindsay Mould

President van die VRU.

 

Richie McCaw by nóg ‘n mylpaal

Richie McCaw, briljante flank en kaptein van die All Blacks, het al ‘n string internasionale rugbyprestasies bereik, maar die komende Saterdag kan hy teen Wallis in die wêreldberoemde Millennium-stadion in Cardiff nógeens ‘n nuwe mylpaal in sy roemryke loopbaan agter sy naam skryf.

 

Wanneer McCaw teen die Rooi Drake uitdraf, sal hy Saterdag om 17:30 die eerste internasionale toetskaptein word wat sy land in 100 toetse aanvoer.

 

McCaw, wat op oujaarsdag 34 jaar oud word, staan 1.87m in sy sokkies en weeg 100kg. Hy het reeds 25 drieë in sy 136 toetse vir die All Blacks gedruk. Sy 133 toetse as flank is die wêreldrekord. Hy was in twee toetse agtsteman en in ‘n ander toets het hy as plaasvervanger-slot op die veld gegaan. Trouens, McCaw het in sy loopbaan slegs ses keer as ‘n plaasvervanger op die veld gegaan.

 

McCaw se indrukwekkende lysie prestasies is:

 

Meeste toetse

1-141(8) – Brian O’Driscoll (Ierland/Leeus – 1999-2014) – 82 wen: 58.16%
2-139 – George Gregan (Australië – 1994-2007) – 93 wen: 66.91%
3 – 136 – Richie McCaw (Nieu-Seeland – 2001-2014) – 120 wen: 88.24%
4 – 130(2) – Ronan O’Gara (Ierland/Leeus – 2000-2013) – 73 wen: 56.15%
5-122 – Keven Mealamu (Nieu-Seeland – 2002-2012; 2014) – 104 wen: 85.25%
6 – - 119(5) – Jason Leonard (Engeland/Leeus – 1990-2004) – 89 wen: 74.79%
7 – 119 – Victor Matfield (Suid-Afrika – 2001-2011; 2014) – 75 wen: 63.03%
8-118 – Fabien Pelous (Frankryk – 1995-2007) – 79 wen: 66.95%
9- 116 – Nathan Sharpe (Australië – 2002-2012) – 68 wen: 58.62%
10 – 114(5) – Gethin Jenkins (Wallis/Leeus – 2002-2014) – 48 wen: 42.10%

 

Meeste toetse as kaptein

99 – Richie McCaw (Nieu-Seeland, 2005-2014: 87 wen/87.87%)

84(1) – Brian O’Driscoll (Ierland/Leeus: 2003-2012: 52 wen/61.90%)
83 – John Smit (Suid-Afrika, 2003-2011: 54 wen/65.06%)
60 – Sergio Parisse (Italië: 2008-2014: 9 wen/15.00%)
59 – Will Carling (Engeland, 1988-1996: 44 wen/74.58%)
59 – George Gregan (Australië, 2001-2007: 34 wen/57.63%)
55 – John Eales (Australië, 1996-2001: 41 wen/74.55%)
51 – Sean Fitzpatrick (Nieu-Seeland, 1992-1997: 39 wen/76.47%)
51(6) – Martin Johnson (Engeland/Leeus: 45/6, 1997-2003: 37 wen/72.55%)

 

Meeste toetse aan die wenkant

119 – Richie McCaw (NS) – Gespeel: 136
104 – Keven Mealamu (NS) – Gespeel: 122
93 – George Gregan (Australië) – Gespeel: 132
93 – Tony Woodcock (NS) – Gespeel: 108
90 – Dan Carter (NS) – Gespeel: 102

 

Kampioenskapstitels

McCaw was kaptein van die All Blacks wat in 2011 die Wêreldbeker verower het deur Frankryk met 8-7 in die eindstryd te klop. McCaw was ook lid van Crusaders wat in 2002, 2005, 2006 en 2008 die Super-kompetisie gewen het.

 

Meeste voorspeler-toetsdrieë

32 – Takashi Kikutani (Japan: flank – 62 toetse)
25 – Richie McCaw (NS: flank/agtsteman – 135 toetse)
22 – Colin Charvis (Wallis/94; Leeus/2: flank)
21 – Carlo Checcinato (Italië: flank – 83 toetse)
21 – Mamuka Gorgodze (Georgië: flank – 53 toetse)

 

IRR heet nou Wêreldrugby

Die Internasionale Rugbyraad (IRR) het ná sy konferensie gister in Londen sy naam amptelik na Wêreldrugby (World Rugby) verander.

“Die naamsverandering verteenwoordig ons doelwit om rugby se ondersteunersbasis en spelersgetalle uit te bou,” sê Wêreldrugby se voorsitter, Bernard Lapasset van Frankryk.

“Die nuwe handelsnaam is in pas met die organisasie se strewe om ‘n sterker band te smee met ondersteuners, spelers en nuwe wêreldwye gehore.

“Ons is daartoe verbind om die spelers- en ondersteunersgetalle buite die tradisionele rugbyfamilie te laat groei. Dis nie bloot ‘n naamsverandering nie, maar ‘n verklaring van ons missie.”

Die Ierse, Skotse en Walliese rugby-unies het die International Rugby Football Board in 1886 gestig, met Engeland wat hom in 1890 by dié organisasie aangesluit het. Die naamsverandering na die IRR het in 1998 plaasgevind.

 

Die IRR het vandag grootskaalse veranderinge aan sy webwerf aangebring, wat onmiddellik in werking gestel is.

 

Ierland nou 3de op IRR-ranglys

Ierland het in die nuutste IRR-ranglys van die vyfde plek verby Engeland (nou 5de) en Australië (nou 4de) tot in die derde plek gespring, níé oor die Iere se groot sege die afgelope Saterdag van 49-7 oor Georgië in Dublin nie, maar wél oor die slae wat Wallis, Australië, toegedien het, en Suid-Afrika se oorwinning oor die Rose op Twickenham.

 

Nieu-Seeland (1e) en Suid-Afrika (2de) se posisies is onveranderd, maar omdat die Springbokke ‘n ander top-span, Engeland (4de), slae gegee het, het Suid-Afrika sy puntetotaal van 89.02 tot 89.93 opgeskuif.

 

Dit is die hoogste posisie wat Ierland tot nog toe beklee het – ‘n posisie wat die manne van die Smarageiland (Ierland) laas in November 2006 ingeneem het.

 

Die Iere (84.84) is nou 0.62 punte voor Australië (84.22), wat weer slegs 0.01 punte voor Engeland (84.21) is.

 

Hoewel Nieu-Seeland dus nie sy posisie met sy sege van 24-16 oor Skotland verbeter het nie, het die Kiwi’s egter die afgelope Sondag ‘n glasie daarop geklink dat hulle die afgelope vyf jaar bo-aan die IRR-ranglys is.

 

Engeland se nederlae die afgelope twee naweke teen Nieu-Seeland en Suid-Afrika het die Rose hul top-geplaaste Europese nasie aan die Iere afgestaan.

 

Argentinië het ook Japan uit die negende plek gedruk nadat die Poemas die Italianers met 20-198 geklop het, hoewel Japan (nóú 10de) Roemenië (18de) met 18-13 geklop het.

 

Rusland het met sy tweede opeenvolgende oorwinning oor Hong-kong Uruguay, wat hom verlede maand nog in ‘n Repechage-wedstryd vir aanstaande jaar se WB-toernooi uitgeknikker het, uit die 19de plek gedruk.

 

Die jongste IRR-ranglys, wat Maandag vrygestel is, is (die spanne se laaste posisie en totaal word tussen hakies gegee): 1(1) Nieu-Seeland 93.70 (93.70); 2(2) Suid-Afrika 89.93 (89.02); 3(5) Ierland 84.84 (84.84); 4(3) Australië 84.22 (85.44); 5(4) Engeland 84.21 (85.12); 6(6) Frankryk 81.47 (80.25); 7(7) Wallis 79.94 (79.78); 8(8) Skotland 78.27 (78.27); 9(10) Argentinië 76.42 (75.45); 10(9) Japan 76.07 (75.63); 11(9) Samoa 75.39 (75.11); 12(12) Tonga 74.62 (73.89); 13(13) Fidji 74.18 (74.34); 14(14) Italië  71.19 (72.16); 15(15) Georgië 69.40 (69.40); 16(16) VSA 67.99 (68.71); 17(17) Kanada 67.64 (67.92); 18(16) Roemenië 66.57 (67.01); 19(20) Rusland 64.12 (63.54); 20(20) Uruguay 63.58 (63.58); 21 (21) Spanje 60.65 (60.65); 22 (22) Namibië 59.11 (59.11); 23 (23) Portugal 57.73 (57.73); 24 (24) Korea 57.22 (57.22); 25 (26) Duitsland 56.32 (56.32); 26 (27) Zimbabwe 55.83 (55.83); 27 (25) Hong-kong 55.79 (56.38).

 

Die Suide bo teen Noorde

Spanne van die Suidelike Halfrond het toe die afgelope naweek die bordjies teen die Noordelike Halfrond verhang deurdat die Suide vyf van die sewe internasionale wedstryde gewen en net twee verloor het. Met die afskop van die Herfs-seisoen die vorige naweek in Europa het die Noorde die Suid met 5-3 “geklop”.

 

Dit was te wagte dat Wallis, verlede week sewende op die IRR-ranglys, sy toets teen Fidji (12de) sou wen (17-13), maar dit is ‘n verrassing dat Australië (3de), wat die vorige week nog met Wallis afgereken het, met 26-29 teen Frankryk (6de) sou vasval.

 

In die vyf ander toetse het sake soos verwag is verloop en het die hoër geplaaste Suid-spanne deurgaans die botoon gevoer: Samoa (11de) klop Kanada (17de) 23-13; Suid-Afrika (2de) klop Engeland (4de) 31-28; Argentinië (10de) klop Italië (14de) 20-18; Tonga (13de) klop VSA (16de) 40-12; Nieu-Seeland (1e) klop Skotland (8e) 24-16.

 

In die ander toetse het spanne van die Noordelike halfrond mekaar gepak: Ierland (5de) klop Georgië (15de) 49-7; Japan (9de) klop Roemenië (18de) 18-13; én, Rusland (20e) klop Hong-kong (25e) 39-27.

 

Die toetsuitslae en puntemakers die afgelope naweek:

Stade de la Rabiner, Vannes – Samoa 23 (drieë: Anthony Perenise, WTN Stanley; doel: Michael Stankley 2; straf: Michael Stanley 3); Kanada 13 (drie: Conor Trainor; doel: James Pritchard; straf: Pritchard 2).

 

Toulon, Frankryk – Franse Barbarians 35 (drieë: Rodrigo Ortego, Jules Plisson, Alexis Palisson, Alexndre Bias, Florian Fresia; doel: Plisson 5); Nambië 14 (drieë: PJ van Lill, Theuns Kotze; doel: Kotze, RCA de la Harpe).

 

Millennium-stadion, Cardiff – Wallis 17 (drieë: George North, Alex Cuthbert, ‘n Strafdrie; doel: Rhys Priestland); Fidji 13 (drie/doel:Nadolo Nasiganiyavi; straf: Nasiganiyavi 2).

 

Twickenham, Londen – Suid-Afrika 31 (drieë: Cibus Reinach, Jan Srefontein, Schalk Burger-sy 14de; doel: Pat Lambie 2; straf: Lambie 3; skep: Lambie); Engeland 28 (drieë: Ben Morgan, Brad Barritt, David Wilson; doel: Owen Farrell 2; straf: Farrell2-sy toetstotaal is nou 290 punte, George Ford).

 

Stadio Ferraris, Genoa – Argentinië 20 (drieë: Gonzalez Amorosino, Jeronimo de la Fuente; doel: Juan Martin Hernandez 2; straf: Hernandez, Nicolas Sanchez); Italië 18 (straf: Kelly Haimona 6).

 

Kingsholm, Gloucester – Tonga 40  (drieë: Fetu’u Vainikolo, Viliami Ma’afu, Vunga Lilo 2, Nili Latu Langilangi; doel: Kurt Morath 2, Latiume Fosita; straf: Morath 3); VSA 12 (drieë: Tim Stanfill, John Quill; doel: Folau Niua).

 

Murrayfield, Edinburgh – Nieu-Seeland 24 (drieë: Victor Vito, Jeremy Thrush; doel: Colin Slade; straf: Dan Carter 3, Slade); Skotland 16 (drie: Tommy Seymour; doel: Greig Laidlaw; straf: Laidlaw 3).

 

Stade de France, Parys – Frankryk 29 (drieë: Sebastien Tillous-Borde, Teddy Thomas-nou reeds 4 drieë in sy eerste 2 toetse gedruk; doel: Camilie Lopez; straf: Lopez 4, Rory Kockott); Australië 26 (drieë: Adam Ashley-Cooper, Rob Simmons; doel: Bernard Foley 2; straf: Foley 4).

 

Boekarest – Japan 18 (straf: Ayumu Goromaru 6-sy jaartotaal staan nou op 180 punte en sy loopbaantotaal ná 42 toetse op 523 punte); Roemenië 13 (drie: ‘n Strafdrie; doel: Florin Vlaicu; straf: Vlaicu 2-sy toetstotaal is nou 536 punte ná 75 toetse).

 

Hong-kong-stadion, Hong-kong (om die Ustinov-beker)– Rusland 39 (drieë: Igor Galinovsky 2, Vasily Artemyev, Nikolay Serkov; doel: Yuri Kushnarev 2; straf: Kushnarev 5); Hong-kong 27 (drieë: Tom McQueen 2, Max Woodward, Rowan Varty; doel: Jamie Hood 2; straf: Hood).

 

Aviva-stadion, Dublin – Ierland 49 (drieë: Dave Kilcoyne, Richardt Strauss, Simon Zebo, Felix Jones, Stuart Olding; doel: Paddy Madigan 5; straf: Madigan 3); Georgië 7 (drie: Giorgi Nemsadze; doel: Merab Kvirikashvili).

 

Komende naweek se internasionale bepalings en beamptes

Twee wedstryde – Ierland (3e) teen Australië (4e) en Frankryk (6e) teen Argentinië (9de) – maak die komende naweek die grootste belangstelling gaande en die uitslag van die toetse kan ‘n uitwerking op die spanne se posisies hê.

 

Nieu-Seeland (1e) teen Wallis (7e) en Suid-Afrika (2e) teen Italië (14e) behoort nie probleme te hê om hul positiewe rekord teen die laergegraadeerde spanne te behou nie.

 

Nieu-Seeland het sedert sy eerste toets teen Wallis in 1905 net drie van sy 29 wedstryde verloor. Wallis het laas in 1953 teen Nieu-Seeland gewen – met 13-8. Nieu-Seeland het in 2003

 

Suid-Afrika het sedert hul eerste toets op 12 November 1995 teen Italië ál 11 die kragmetings tussen die twee lande gewen, 577 punte en 79 drieë aangeteken, teenoor die Italianers se 139 punte en 12 drieë. Suid-Afrika het in ses toetse 50 of meer punte aangeteken, met die sege van 101-0 op 19 Junie 1999 in Durban die grootste – óók Italië se grootste drag slae tot nog toe in internaissonale rugby.

 

Die naweek se internasionale program is (die spanne se IRR-ranglysposisie, soos eergister deur die IRR vrygestel is, word tussen hakies gegee:

 

Vrydag

Stade de la Rabiner, Vannes – Fidji (13) teen VSA (16): SKEIDSREGTER: John Lacey (Ier).

 

Saterdag

Stadio Euganeo, Padova – Italië (14) teen Suid-Afrika (2):SKEIDSREGTER: Jéróme Garcés (Frank).

Rugby Park, Kilmarnock – Skotland (8) teen Tonga (12): SKEIDSREGTER: JP Doyle (Eng).

Estadio Nacional Jamor, Lissabon – Portugal (23) teen Namibië (22): SKEIDSREGTER: Federico Anselmi (Arg).

Aviva-stadion, Dublin – Ierland (3) teen Australië (4): SKEIDSREGTER: Glen Jackson (NS).

Stadionui National Arcul de Truimf, Boekarest – Roemenië (18) teen Kanada (17): SKEIDSREGTER: Nick Briant (NS).

Millennium-stadion, Cardiff – Wallis (7) teen Nieu-Seeland (1): SKEIDSREGTER: Wayne Barnes (Eng).

Twickenham, Londen – Engeland (5) teen Samoa (11): SKEIDSREGTER: Jaco Peyper (SA).

 

Stade de France, Parys – Frankryk (6) teen Argentinië (9): SKEIDSREGTER: George Clancy (Ier).

 

Sondag

Mikheil Meshki-stadion, Tbilisi – Georgië (15) teen Japan (10). SKEIDSREGTER: Romain Poite (Frank).

 

Wêreldbeker-vertoningslys

Namibië (22), saam met Suid-Afrika Afrika se enigste deelnemer aan 2015 se WB-toernooi in Engeland, is van die 20 deelnemers die laagste op die nuutste IRR-ranglys. Dis verder interessant dat Namibië die enigste voornemende deelnemer in 2015 is wat nog nooit ‘n WB-wedstryd kon wen nie.

 

Trouens, Namibië, wat die komende naweek teen Portugal in Lissabon speel, het ál 15 sy WB-wedstryde tot dusver verloor en sy gemiddelde wedstrydtelling is 10-65!

 

Die vertoningslys van die 25 lande wat tot dusver aan die WB-toernooi in 1987 deelgeneem het, is:

 

*- dui lande aan wat hulle vir 2015 se WB-toernooi gekwalifiseer het
Span en eerste
deelname
Gespeel Gewen Verloor Gelykop Punte
Vir
Punte
Teen
Sukses
%
1. Suid-Afrika (1995)  (*) 29 25 4 0 1009 378 86.21%
2. N-Seeland (1987) (*) 43 37 6 0 2012 584 86.05%
3.Australië (1987) (*) 41 33 8 0 1423 528 80.49%
4.Engeland (1987) (*) 40 29 11 0 1246 633 72.50%
5.Frankryk (1987) (*) 43 30 12 1 1354 762 69.77%
6.Skotland (1987) (*) 33 19 13 1 972 620 57.58%
7.Ierland (1987) (*) 30 17 13 0 819 584 56.67%
8.Wallis (1987) (*) 32 18 14 0 919 633 56.67%
9. Argentinië (1987) (*) 30 15 15 0 742 605 50.00%
10. Samoa (1991) (*) 24 11 13 0 585 608 45.83%
11. Fidji (1987) (*) 24 9 15 0 538 762 37.50%
12. Italië (1987) (*) 24 9 15 0 455 811 37.50%
13. Tonga (1987) (*) 21 6 25 0 335 731 28.57%
14. Uruguay (1999) (*) 7 2 5 0 98 352 28.57%
15. Kanada (1987) (*) 25 7 16 2 469 680 28.00%
16. Roemenië (1987) (*) 24 5 19 0 305 939 20.83%
17. Georgië (2003) (*) 12 2 10 0 144 401 16.67%
18. VSA (1987) (*) 21 3 18 0 300 736 14.29%
19.Japan (1987) (*) 24 1 22 1 428 1158 4.17%
20.Namibië (1999) (*) 15 0 15 0 144 974 0.00%
21.Zimbabwe (1987) 6 0 6 0 84 309 0.00%
22.Rusland (2011) 4 0 4 0 57 201 0.00%
23.Portugal (2007) 4 0 4 0 38 209 0.00%
24.Ivoorkus (1995) 3 0 3 0 29 172 0.00%
25.Spanje (1999) 3 0 3 0 18 122 0.00%

 

Vier Bokke “haal Wêreldspan”

Vier Springbokke – Willie le Roux (heelagter), Cobus Reinach (skrumskakel), Schalk Burger (foank) en Duane Vremeulen (agtsteman) – is ná die afgelope naweek se reeks internasionale wedstryde in Europa deur ‘n paneel rugbyskrywers in hul “wêreldspan”

 

Die “span” is: 15 -Willie le Roux (SA); 14 – Julian Savea (NS), 13 – Michele Campagnaro (It), 12 – Nemani Nadolo (Fidji), 11 Teddy Thomas (Frank); 10 – Camille Lopez (France), 9 – Cobus Reinach (SA); 8 – Duane Vermeulen (SA), 7 – Schalk Burger (SA), 6 – Thierry Dusautoir (Frank), 5 – Jonny Gray (Skot), 4 – Richie Gray (Skot), 3 – David Wilson (Eng), 2 – Guilhem Guirado (Frank), 1 – Marcos Ayerza (Arg).

 

Die volgende is ook uitgesonder:

Drie van die week – Teddy Thomas, wat die vorige naweek ‘n driekuns aan drieë in sy debuuttoets gedruk het, het ‘n skitterende drie teen Fidji gedruk. Hy’t sy eerste toetsdrie ná slegs 43 sek. gedruk.

 

Die “sondebok” van die week “– Campese Ma’afu is ná twee geel kaarte met ‘n rooie dus van die veld gejaag. Fidji moes dus vir 40 van die 80 minuite net met 14 man teen die oormag Franse swoeg!

 

Michael Horak nou ‘n Haai

Michael Horak, wat in 2013 nog by Cheetah- en Kovsie-rugby betrokke was en vanjaar by die OP Kings werksaam was, gaan hom in Januarie 2015 by die haaie aansluit.

 

Horak, wat ‘n vyfjaar-kontrak met die OP gesluit het, is deur die OP vrygestel hom na KZN te verhuis, waar hy die Haaie se verdedigingsafrigter gaan word.

 

Die Haaie se afrigterskorps is uiters gedug: Brad Mcleod-Henderson (hoofafrigter), Paul Anthony, Sean Everitt (hulp-afrigters), Gary Gold (direkteur van afrigting), Brendan Venter (tegniese direkteur) en nou Horak.

 

Vroue nóú ook in heldesaal vereer

Anna Richards (Nieu-Seeland), wat al die voorreg gehad het om vier keer die Wêreldbeker vir vroue omhoog gehou het, is een van ses vroue wat deur die IRR nou in die heldesaal saam met die mans vereer gaan word.

 

Dis die eerste keer dat dié voorreg ook aan vroue gedoen is.

 

Die volgende lysie spelers se name sal nou ook in die heldesaal aangebring word: Nathalie Amiel (Frank), Gill Burns (Eng), Patty Jervey (VSA), Carol Isherwood (Eng), Anna Richards (NS), Farah Palmer (NS), Keith Rowlands (Wal), Jim Greenwood (Skot), JPR Williams (Wal), Michael Lynagh (Aus), Jo Maso (Frank), Keith Wood (Ier), Ieuan Evans (Wal), Jason Leonard (Eng) en Bill Beaumont (Eng).

 

Gawie Visagie oorlede

Die voormalige Springbok-skrumskakel Gawie Visagie is gister ná ‘n kankerstryd oorlede. Hy was 59 jaar oud.

Visagie het sy eersterangse debuut in 1977 vir Griekwas gemaak en hy’t daarna vir Natal uitgedraf. Hy het vir Noord-Transvaal se Onder20-span gespeel en is in 1979 as een van Suid-Afrika se Jong Spelers van die Jaar benoem.

Hy het in 1979 vir die SA Barbarians in Brittanje gespeel – die eerste SA span bestaande uit wit, swart en bruin spelers wat in die buiteland getoer het.

Gawie was die broer van die bekende “Mot van Ammosal”, Piet Visagie, gewese Sporingbok-losskakel van Griekwas.

 

(*) Inligting deur Frikkie van Rensburg

Posted by Pierre on November 19th, 2014 under General • 1 Comment

Toyota Cheetah Bulletin 38

Cheetahland verdien groter agting van SA rugby

 

Die Vrystaat lewer sedert sy stigting op 27 Maart 1895 ‘n baie groot bydrae tot rugby in die land, én die res van Suid-Afrika, asook die erge kritici die afgelope tyd ná die Toyota Cheetahs se swak Super14- en die Toyota Vrystaat-Cheetahs se vyfde plek in die Curriebeker-kompetisie, behoort veel groter agting, én empatie, te hê vir die werk wat mnr. Harold Verster, besturende direkteur van die Cheetahs-maatskappy, en mnr. Lindsay Mould, president van die VRU, en hul bestuurspan vir rugby in dié streek tussen die Vaal- en Oranjerivier gedoen word.

 

Mnr. Mould is gisteraand op die jaarvergadering van die VRU in die Vrystaat-stadion vir ‘n tweede ampstermyn as President herkies.

 

Van die groot unies is dit net die Haaie en die Cheetahs wat tussen 1994 en 2014 van alle Suid-Afrikaanse spanne nooit laer as vyfde in die Curriebeker-kompetisie geëindig het nie. Die Leeus (1998: 8ste), WP (1999: 11de) en die Blou Bulle (2000: 10de; 2001: 7de) het ‘n keer of wat kwaai uitgesak. Met die aankope van veral top-spelers uit Sentraal-Suid-Afrika het die Leeus, die Bulle en die WP hul spanne aansienlik aangevul om dan in die volgende seisoene weer spiere te bult.

 

Die Haaie (17), Cheetahs (15), Leeus (15), WP (14) en die Bulle (13) het in die tydperk tussen 1996 en 2014 die halfeindstryd gehaal. Dat die Cheetahs dikwels in die halfeindstryd of in ‘n eindstryd gespeel het en min welslae behaal het, kan grootliks gewyt word aan die feit dat die Vrystaters élke seisoen baie spelers aan die groot unies moet afstaan en dat ‘n gebrek aan grootwedstryd-temperament hulle dan in kritieke stadiums van ‘n halfeindstryd en ‘n eindstryd sukses gekos het.

 

*Nét die WP (259), Leeus (163) en die Blou Bulle (109) het deur die jare meer Springbokke as die Vrystaat (83) opgelewer. Die Haaie (79) en Griekwas (63) het ook meer as 60 Springbokke opgelewer.

*Die provinsiale skolespanne van die Vrystaat is gereeld onder die top-spanne op die jaarlikse Cravenweek-toernooi (o.18) en dié jong Cheetahs spog saam met die WP met die beste rekord van alle spanne sedert die instelling van die toernooi in 1964. Grey-kollege se Onder18-span was vanjaar die top-skolespan in die land.

*Die meeste van die belowende spelers gaan vir verdere náskoolse studie na die Universiteit van die Vrystaat of die Sentrale Universiteit vir Tegnologie. Die Shimlas, die eerste rugbyspan van die UV, vorm van die vroegte tye af die kern van die Vrystaatse rugbyspanne.

*Die Vrystaat-stadion in Bloemfontein – wat vir rugby en sokker benut word – bied sitplek aan nagenoeg 46 000 toeskouers. Die spreiligte is ook tot 1 500 lux (ligeenheid) verbeter. Die stadion is ook toegerus met ‘n kragsentrale wat in enige kragonderbreking gebruik kan word. Toetse van die Springbok-rugbyspan en die Bafana Bafana-sokkerspan word gereeld met groot welslae in die Vrystaat-stadion aangebied.

*Negentien voorsitters – deesdae president – het leiding die afgelope 119 jaar gegee; altesame 1 537 spelers het al vir die Vrystaatse senior provinsiale span uitgedraf; die Vrystaat het al 13 keer in die Curriebeker-eindstryd gespeel en die Goue Beker al vier keer ingepalm; die Vrystaat het in vyf Lionbeker-eindstryde gespeel en het dié gesogte uitklopbeker in 1983 gewen; die Cheetahs het ook in 1996 (Bankfin se Aandbeker) en in 2000 (Vodacombeker) ingepalm, en in 2008 se Vodacombeker-eindstryd gespeel

 

Prestasies, ondanks …………..

 

Die Toyota Cheetahs het dus vanjaar moontlik nie ‘n té wafferse Super- en Curriebeker-seisoen gehad nie, maar die feit dat agt spelers wat in 2014 in Sentraal-Suid-Afrika vir dié spanne uitgedraf het in die Springbok-toerspan van 36 lede vir die einde-van-die-jaar-toer in Brittanje en Italië gekies is, is oudergewoonte ‘n bewys watter gróót rol Cheetah-land stééds in Suid-Afrikaanse rugby speel.

 

Én dít nadat die Toyota Cheetahs in 2013 die enigste onder die SA spanne was wat in die Super15 die uitklopronde – TOP6 – én die Curriebeker-halfeindronde gehaal het, want die Bulle, wat in die Super15 saam met die Cheetahs in die Top6 was, het nie in die Curriebeker-halfeindronde gespeel nie!!!

 

Die agt Bokke wat vanjaar nog vir die Cheetahs uitgedraf het, en tans op toer in Brittanje is: Lood de Jager, Johan Goosen, Cornal Hendricks, Willie le Roux, Oupa Mohoje, Trevor Nyakane, Coenie Oosthuizen en Adriaan Strauss.

 

Daarbenewens was nege ander lede van die Springbok-toerspan in Brittanje vroeër in hul loopbane in Bloemfontein op skool, óf het vir die Vrystaat en/óf vir ‘n Bloemfonteinse klub gespeel: Bismarck en Jannie du Plessis, Ruan Pienaar (Grey/UV/VS), Cobus Reinach, Jan Serfontein (Grey), Gurthrö Steenkamp (UV/VS), Morné Steyn (Sand du Plessis), Duane Vermeulen (Collegians/VS) en Seabelo Senatla (SUT/VS onder 19 en Onder 21).

 

Dan het twee beseerde Springbokke, wat nie vir die toer oorweeg is nie – Flip en Marcel van der Merwe (UV/VS) – ook voorheen in die Vrystaat gespeel. Flip van der Merwe was op Grey op skool.

 

Só is daar dus 11 Vrystaters en oud-Vrystaters wat Saterdag 15 November in die Bokke se tweede van vier Europese toetse teen Engeland opTwickenham speel.

 

….. ander prestasies

 

Grey – Die eerste span van Grey-kollege in Bloemfontein het die 2014-seisoen as die top-skolespan in Suid-Afrika afgesluit nadat hy op Saterdag 23 Augustus met Paul Roos-gimnasium in Bloemfontein met 25-20 afgereken het. Paul Roos beklee die tweede plek op dié lysie van voorste skole in die land.

 

Vroue – Die Vrystaastse se vrouespan het vanjaar die Interprovinsiale A2-afdeling egfwen deur Boland in die eindstryd in Oos-Londen met 34-0 te klop.

 

SUT – In 2013 en 2014 het die SUT die Varsity-skildkompetisie gewen en is gepromoveer om in 2015 in die Varsitybeker-reeks te speel. Die Vrystaat is saam met WP (US en UK) die enigste unie wat twee spanne in die Varsitybeker-kompetisie het.

 

Hoewel die Shimlas vanjaar ook nie so waffers in die Varsitybeker-reeks gevaar het nie, het hulle nogtans ‘n goeie gelykop-uitslag teen die Maties (13-13) in Stellenbosch afgedwing. Die Shimlas dra swaar aan verteenwoordiging in al die Vrystaat-spanne en eindig vanjaar vyfde in die Varsitybeker-kompetisie. Tientalle Kovsies speel elders in die land provinsiale rugby. Nege Shimlas en drie SUT-spelers was in die Griffons se span wat die Eerste Liga van die Curriebeker-kompetisie gewen het.

 

Onder 19 – Die Vrystaat se Onder19-span het die halfeindronde gehaal. Sedert 2000 beklee dié Cheetah-span algeheel die vierde plek.

 

Onder 21 – Die Vrystaat se Onder21-span het die halfeindronde gehaal.

 

Vodacombeker – Die Vrystaat XV – soos dié span van die Cheetahs in die Vodacombeker-kompetisie genoem word – het die kwarteindronde gehaal en is toe deur die Blou Bulle met 22-21 geklop, ondanks die feit dat die Vrystaters twee drieë teenoor een van die Bulle gedruk het.

Die Vrystaat het naas die Blou Bulle algeheel die naasbeste sedert 2000 in die Vodacombeker-reeks gevaar.

 

Curriebeker – Die Toyota Vrystaat-Cheetahs het vanjaar ‘n nuwe afrigtingspan onder mnr. Rory Duncan, ‘n nuwe kaptein, Torsten van Jaarsveld, gehad, en 17 van die 39 spelers – onder wie 17 nuwelinge – is gekies om in die Toyota Vrystaat-Cheetahs se 10 Curriebeker-wedstryde uit te draf.

 

Net ses manne – Willie du Plessis (losskakel), Neil Claassen, Tienie Burger (flanke), Francois Uys (slot), Torsten van Jaarsveld (haker en kaptein) en JP du Plessis (veelsydige agterspeler) – het in al 10 Curriebeker-wedstryde gespeel.

 

Die Cheetahs het weliswaar vanjaar vyfde geëindig, maar het sedert 2000 algeheel derde ná die Haaie en die WP gevaar – die Vrystaat-Cheetahs was die Curriebeker-kampioen in 2005, 2006 en 2007.

 

Skeidsregters - Die Vrystaat het drie uiters knap internasionale/toetsskeidsregters – Jaco Peyper, Lourens van der Merwe en Marlize Jordaan – wat aldrie vanjaar wêreldwyd opgetree het.

 

Jaco het die Super-halfeindstryd tussen die Waratahs, wat vanjaar bo-aan die puntelys geëindig het, en die Brumbies, ‘n tweemalige kampioen – beheer. Dit was Jaco se 48e Super-wedstryd as skeidsregter sedert hy in 2009 die eerste keer in die groot kompetisie begin blaas het. Die 34-jarige Jaco het in 2013 in die Super-kwarteindstryd tussen Crusaders en Reds in Christchurch geblaas.

 

Jaco (Elite-paneel), Lourens van der Merwe (Nasionale A-paneel), Jaco Kotze (Nasionale B-paneel), Khotso Raleting (Aanspraakmaker-groep) en Siyanda Belinda Ketse (Vroue) is in die verskillende panele van die SA Rugbyskeidsregtersvereniging vir die 2015-seisoen aangestel.

 

Én, afgesien van die strome Vrystaatse talent wat ons rugbyvelde vol gespeel het, het 34 manne, wat voorheen hul rugby in Bloemfontein gespeel het, vanweë die sterker Euro, Britse pond en die Japanse Jen in die buiteland hul rugbyloopbane gaan voortsit, onder andere Springbokke soos Meyer Bosman (Stade Francais, Frank), Heinrich Brüssow (Docomo Red Hurricanes, Japan), Michael Claassens (Bath, Engeland), Wian du Preez (Munster, Ierland), Johan Goosen (Racing Metro, Frank), Ashley Johnson (London Wasps, Engeland), Ruan Pienaar (Ulster, Ierland), Juan Smith (Toulon, Frank), Gurthrö Steenkamp (Toulouse, Frank), Morné Steyn (Stade Francais, Frank) en Marco Wentzel (London Wasps, Engeland).

 

Transformasie

 

Dit het die afgelope paar maande behoorlik in die Suid-Afrikaanse rugbygemeenskap gegons nadat ‘n dokument van 91 bladsye van die Suid-Afrikaanse Rugbyunie (Saru) bekend geword het waarin Saru-voorskrifte in SA rugby se nuwe Strategiese Transformasieplan – die omvattendste en radikaalste kwota-bloudruk in die geskiedenis van dié sport – uitgestippel word.

 

Saru se rasseteikens tot 2019 op skole-, provinsiale, franchise- én nasionale vlak word hierin uiteengesit.

 

Tot watter mate transformasie in Vrystaat-rugby reeds gevorder het, blyk duidelik uit die feit dat die volgende nege spelers van kleur in 2014 vir die Toyota Cheetahs in die Super-kompetisie uitgedraf het: Raymond Rhule, Rayno Benjamnin, Elgar Watts, Caylib Oosthuizen, Trevor Nyakane, Oupa Mohoje, Cornal Hendricks, Hilton Roberts en Howard Mnisi.

 

Altesame 35 spelers het in 2013 vir die Toyota Vrystaat-Cheetahs in die Curriebeker-kompetisie gespeel, van wie nege – Rayno Benjamin, Raymond Rhule, Elgar Watts, Trevor Nyakane, Oupa Mohoje, Freddie Ngoza, Caylib Oosthuizen, Davon Raubenheimer en Kevin Luiters – spelers van kleur was.

 

Én in 2014 was daar onder andere die volgende 12 spelers van kleur in die Toyota Vrystaat-Cheetahs oefengroep: Rayno Benjamin, Clayton Blommetjies, Mapu Dolo, Cornal Hendricks, Cameron Jacobs, Vincent Jobo, Oupa Mohoje, Freddie Ngoza, Trevor Nyakane, Caylib Oosthuizen, Raymond Rhule en Elgar Watts.

 

Hanyani Shimange(haker) het op 6 November 2004, in ‘n toets teen Wallis in Cardiff, die eerste Vrystater van kleur geword, wat sy Springbok-kleure verwerf het. Hy was die Vrystaat se 63e Springbok sedert Boetie McHardy (1912).

 

Sedert Shimange het die Vrystaat nóg 19 Springbokke opgelewer, van wie die volgende 8 spelers Gurthrö Steenkamp (2004), Bevin Fortuin (2006), Kabamba Floors (2006), Ashley Johnson (2009), Raymond Rhule (2012), Trevor Nyakane (2013), Cornal Hendricks (2014) en Oupa Mohoje (2014) spelers van kleur was.

 

Dit beteken dus dat nege van die Vrystaat se laaste 20 Springbokke – 45% dus – spelers van kleur is. Trouens, van die 43 Springbokke wat vanjaar reeds vir Suid-Afrika gespeel het, was 10 spelers van kleur, en vier van dié Bokke het as Vrystaters Springbok geword: Hendricks, Mohoje, Nyakane en Steenkamp.

 

VRU-bekerwenners – 2014

 

Stadsbeker – Shimlas.

Rowanbeker – Irawas (UV).

Presidentliga A – Wes-kollege (UV).

Presidentliga B – Tjisas (SUT).

Tweede Liga A – Steyners 1.

Tweede Liga B – Polisie II.

Derde Liga A – Collegians III.

Derde Liga B – Oud-Greys II.

Kloppersbeker (Derde Liga B) – Oud-Greys II.

George Nel-beker (Subunie) –Eur-Africans.

Human Auto-beker (Subunie) – Aliwal Buffels.

Boetie Steenkamp-beker (Subunie-plaat) – Venterstad Stoele.

M & B-skild – Venterstad Rovers

Vrystaat-uitdaagbeker – Polisie.

Senior Speler met Meeste Opgang – Tienie Burger (UV).

Senior Speler Meeste drieë – Markus Odendaal (UV).

Senior Speler Meeste Punte – Duan Preorius (SUT).

Junior Speler Meeste Opgang – Johnny Barnard (Steyners).

Junior Speler Meeste Drieë – Donovan Loser (SUT).

Junior Meeste Punte – Bennie Gouws (SUT).

Joe Venter-beker (Klubspeler van die Jaar) – Randall Nelson (Crusaders).

Vrouespeler van die Jaar – Merriam Nthlafu.

Vroue-sewesspeler van die Jaar – Lindiwe Masole.

Vroue-speler Meeste Opgang – Willmerick Manual.

Johan Botes-beker (Sekretaris/Klubbeampte van die Jaar) – Rocky le Roux (UV).

HW van Niekerk-beker (Afrigter-s van die Jaar) – Jan du Toit, Skillie Bester (SUT).

Onder 21-speler van die Jaar – Carl Jan Coetzee.

Waardevolste Speler van die Jaar – Hennie Schalk Theron.

 

Uitslae van die Klubeindstryde – 2014

 

Stadsbeker – Shimnlas (UV) klop UV (o.23) 33-29.

Rowanbeker – Irawas (UV) klop Polisie 59-25.

Presidentliga A – Wes-kollege klop SUT (o.21) 23-20.

Presidentliga B – Tjisas wen – Oos-Kollege onttrek.

Tweede Liga A – Steyners I klop SUT Jongspan 28-19.

Tweede Liga B – Polisie II klop Collegians II 40-7.

Derde Liga A – Collegians III klop Shawas (SUT) 31-21.

Derde Liga B – Oud-Greys II klop Mangaung II 26-7.

 

Willie le Roux een van die IRR-spelers van die Jaar

 

Dié vyf internasionale spelers wat deur ‘n paneel beoordelaars aangewys is, uit wie die Internasionale Speler van 2014 aangewys sal word. Van links is: Jonathan Sexton, Ierse losskakel; Willie le Roux, Springbok-heelagter; Brodie Retallick, All Black-slot; Duane Vermeulen, Bok-agtsteman; én, Julian Savea, All Black-vleuel.

 

Die vyf benoemdes is van drie lande – Ierland (1), Suid-Afrika (2) en Nieu-Seeland (2).

 

Die paneel internasionale beoordelaars was onder die voorsitterskap van John Eales, Wallaby-kaptien wat in 1999 die Wêreldbeker ingepalm het. Die ander beoordelaars is: Will Greenwood (Eng), Gavin Hastings (Skot), Raphaël Ibanez (Frank), Francois Pienaar (SA), Agustín Pichot (Arg), Scott Quinnell (Wallis), Tana Umaga (NS) en Paul Wallace (Ier).

 

Die Internasionale Speler van die Jaar is een van die 12 kategorieë wat jaarliks sedert 2001 deur die IRR vereer word: Afrigter van die Jaar; Span van die Jaar; Vrouespeler van die Jaar; Sewesspeler van die Jaar; Vroue-sewesspeler van die Jaar; Junior Speler van die Jaar.

 

Die lysie Internasionale Spelers van die jaar sedert 2011, is: 2013 – Kieran Read (NS); 2012 – Dan Carter (NS); 2011 – Thierry Dusautoir (Frank); 2010 – Richie McCaw (NS); 2009 – Richie McCaw (NS); 2008 – Shane Williams (Wal); 2007 – Bryan Habana (SA); 2006 – Richie McCaw (NS); 2005 – Dan Carter (NS); 2004 – Schalk Burger (SA); 2003 – Jonny Wilkinson (Eng); 2002 – Fabien Galthié (Frank); 2001 – Keith Wood (Ier).

 

SA steeds 2e, maar Aussies, Rose

en Iere kruip nader

 

Nieu-Seeland (93.70) verbeter sy posisie as die nommer 1-rugbyland ter wêreld weekliks, die wisselvallige Springbokke (89.02) is steeds tweede, maar Australië (3de – 85.44), Engeland (4de – 85.12) en Ierland (5de – 84.84) haal algaande in.

 

Australië het van die vierde na die derde plek geklim nadat hy die Rooi Drake van Wallis in Cardiff die tiende opeenvolgende keer geklop het. Engeland het ná sy nederlaag met 21-24 teen Nieu-Seeland van die derde na die vierde plek uitgesak.

 

Die drie grotes van die Suidelike Halfrond – Nieu-Seeland, Suid-Afrika én Australië – is dus nou wéér in die drie top-plekke op die ranglys van die Internasionale Rugbyraad (IRR).

 

Nieu-Seeland kan met sy komende wedstryd Saterdag teen Skotland – wat vanjaar slegs met seges oor Italië (21-20), VSA (24-6), Kanada (19-17) en Argentinië (21-19 en 41-31) spog – sy nommer1-posisie verder verstewig.

 

Én, dit was so hitette of Ierland het by Engeland en Australië tot in die derde plek opgeskiet, maar JP Pietersen, Springbok-regtervleuel, se troosdrie in die 80e min. teen die Iere in Dublin het dié Ierse droom gekelder. Ierland was laas in 2003 derde op die IRR-ranglys. Slegs 0.60 punte skei Australië, Engeland en Ierland

 

Maar dit was nie slegs Australië, wat van vierde na derde plek gevorder het nie. Die Franse het selwers met hul sege van 40-15 oor Fidji van 7de tot die 6de plek geklim. Teddy Thomas (vleuel) het in sy debuuttoets drie drieë gedruk – sy eerste ná 42 sek. ná die afskop in in die wedstryd – die 10de vinnigste toetsdrie tot nog toe en die vinnigste wat ‘n speler in sy eerste toets sy eerste toetsdrie gedruk het!

 

Samoa en Argentinië se nederlae Saterdag het Japan, wat 11de was, die kans gegee om weer in die top10-groep tot in die 9de posisie op te skuif.

 

Die VSA, wat Roemenië met 27-17 geklop het, het van 18de na 16de plek gevorder. Tonga (13de) en Kanada (17de), wat onderskeidelik met Georgië (23-9) en Namibië (17-13) afgereken het, maar hul posisies is onveranderd.

 

Die nuutste IRR-wêreldranglys soos die afgelope Dinsdag deur die IRR vrygestel, is (met die spanne se vorige ranglysposisie en punte tussen hakies):

 

1(1) Nieu-Seeland 93.70 (93.15); 2(2) Suid-Afrika 89.02 (90.41); 3(4) Australië 85.44 (84.53); 4(3) Engeland 85.12 (85.68); 5(5) Ierland 84.84 (83.44); 6(7) Frankryk 80.25 (80.01); 7(6) Wallis 79.78 (80.70); 8(8) Skotland 78.27 (77.75); 9(11) Japan 75.63 (75.63); 10(10) Argentinië 75.45 (75.97); 11(9) Samoa 75.11 (76.35); 12(12) Fidji 74.34 (74.58), 13(13) Tonga 73.89 (72.83); 14(14) Italë 72.16 (70.92); 15(15) Georgië 69.40 (70.46); 16(18) VSA 68.71 (67.30); 17(17) Kanada 67.92 (67.77); 18(16) Roemenië 67.01 (68.42); 19(19) Uruguay 63.58 (63.58); 20(20) Rusland 63.54 (62.29); 21(21) Spanje 60.65 (60.65); 22(22) Namibië 59.11 (59.26); 23(23) Portugal 59.11 (57.73); 24(25) Korea 57.22 (57.22); 25(24) Hongkong 56.38 (57.63).

 

Afgelope naweek se uitslae/puntemakers

 

Dit gebeur nie baie nie dat spanne van die Noordelike Halfrond in ‘n naweek soos die afgelope in die algemeen beter as die Suid-spanne vaar. In die agt internasionale wedstryde tussen Noord en Suid het die Noorde vyf van dié wedstryde gewen en die Suide drie.

 

Die twee “groepe” het só gepresteer:

 

Noord (5) – Ierland klop Suid-Afrika 29-15 in Dublin; Skotland klop  Argentinië 41-31 op Murrayfield; Frankryk klop Fidji 40-15 in Marseilles; Kanada klop Namibië 17-13 in Colwyn Bay; en, Italië klop Samoa 24-13 in Ascoli.

 

Suid (3) – Nieu-Seeland klop Engeland 24-21 op Twickenham; Australië klop Wallis 33-28 in die Millennium-stadion; én, Tonga klop Georgië 23-9 Tbilisi.

 

Die toetsuitslae en puntemakers die afgelope naweek:

 

Parc Eirias, Colwyn Bay, Wallis: Kanada 17 (drieë: Nayak Dala; straf: Gordon Rorie 4); Namibië 13 (drie: Jacques Burger; doel: Theuns Kotze; straf: Kotze 2).

 

Tokyo  – Japan 18 (drieë: Akihito Yamada, Strafdrie; doel: Ayumu Goromaru; straf: Goromaru 2); Nieu-Seelandse Maori’s 20 (drieë: Codie Taylor, Nehe Milner-Skudder, Dan Pryor); doel/straf: Ihaia West).

 

Tbilisi  – Georgië 9 (straf: Merab Kvirikashvili 3); Tonga 23 (drieë: Taniele Moa 2, Vungakoto Lilo; doel: Latiume  Fosita; straf: Kurt  Morath 2).

 

Stadio Cino e Lilio Del Duca in Ascoli – Italië 24 (drieë: Simone Favaro,Sergio  Parisse; doel: Kelly Haimona; straf: Haimona 4); Samoa 13 (drie: Jack Lam; doel: Ken Pisi; straf: Pisi 2).

 

Twickenham, Londen – Engeland 21 (drieë: Jonny May, Strafdrie; doel: Owen Farrell; straf: Farrell 3); Nieu-Seeland 24 (drieë: Aaron Cruden, Richie McCaw, Charlie Faumuina; straf: Cruden 2, Beauden Barrett).

 

Millennium-stadion, Cardiff – Wallis 28 (drieë: Rhys Webb, Alex Cuthbert, Alun-Wyn Jones, Strafdrie; doel: LeighHalfpenny 2, Dan Biggar, Rhys Priestland); Australië 33 (drieë: Israel Folau 2, Tevita Kuridrani; doel/straf:  Bernard Foley 3; skep: Foley).

 

Boekarest -  Roemenië 17 (drieë: Strafdrie, Daniel Carpo; doel: Florin Vlaicu 2; straf: Vlaicu); VSA 27 (drieë:  Taku Ngwenya, Tim Stanfill, Folau Niua; doel: Adam Siddall 3; straf: Adam Siddall; skep: Mike Petri).

 

Marseilles – Frankryk 40 (drieë: Teddy Thomas 3, Pascal Papé, Wesley Fofana; doel: Camille Lopez 2, Rory Kockott; straf: Lopez 3); Fidji 15 (drieë: Alipate Ratini, Timoci Nagusa; doel/straf: Nemani Nadolo).

 

Aviva-stadion, Dublin – Ierland 29 (drieë: Rhys Ruddock, Tommy Bowe; doel: Jonathan Sexton 2; straf: Sexton 4, Paddy Madigan); Suid-Afrika 15 (drieë: Marcel Coetzee, JP Pietersen; doel/straf: Handré  Pollard).

 

Murrayfield – Skotland 41 (drieë: Richie Gray, Jonny Gray, Sean Maitland,Stuart  Hogg, Tommy Seymour; doel: Greig  Laidlaw 4, Duncan Weir; straf: Laidlaw 2); Argentinië 31 (drieë: Ortego Desio, Strafdrie, Tomas Cubelli 2; doel: Nicolás Sanchez, Juan Martín Hernandez 3; straf: Sanchez).

 

Komende naweek se internasionale

bepalings en beamptes

 

Suid-Afrika (2 – 89.02) op Twickenham in Londen teen Engeland (4 – 85.12) én Australië (3 – 85.44) teen Frankryk (6 – 80.25) in Stade de France in Parys is waarskynlik dié kragmetings wat die komende naweek die grotoste belangstelling gaande maak.

 

Die spanne se wêreldranglys, soos eergister deur die Internasionale Rugbyraad vrygestel is, word tussen hakies gegee:

 

 

Môre

 

Stade de la Rabiner, Vannes – Samoa (11) teen Kanada (17): SKEIDSREGTER: George Clansy (Ier).

 

Stade Felix Mayol, Toulon – Franse Barbarians teen Namibië (22): SKEIDSREGTER: Leighton Hodges (Wal).

 

Saterdag

 

Millennium-stadion, Cardiff – Wallis (7) teen Fidji (12): SKEIDSREGTER: Pascal Gauzere (Frank).

 

Twickenham, Londen – Engeland (4) teen Suid-Afrika (2): SKEIDSREGTER: Steve Walsh (Aus).

 

Stadio Ferraris, Genoa – Italië (14) teen Argentinië (10): SKEIDSREGTER: Craig Joubert (SA).

Kingsholm, Gloucester – Tonga (13) teen VSA (16): SKEIDSREGTER: Mike Fraser (NS).

 

Murrayfield, Edinburgh – Skotland (8) teen Nieu-Seeland (1): SKEIDSREGTER: Romain Poite (Frank).

 

Stade de France, Parys – Frankryk (6) teen Australië (3): SKEIDSREGTER: Nigel Owens (Wal).

 

Stadionui National Arcul de Truimf, Boekarest – Roemenië (18) teen Japan (9). SKEIDSREGTER: Stuart Berry (SA).

 

Hongkong-stadion, Hongkong – Hongkong (25) teen Rusland (20): SKEIDSREGTER: Shuhei Kubo (Japan).

 

Sondag

 

Aviva-stadion, Dublin – Ierland (5) teen Georgië (15): SKEIDSREGTER: JP Doyle (Eng).

 

Wêreldbeker-vertoningslys

 

Namibië (22), saam met Suid-Afrika Afrika se enigste deelnemer aan 2015 se WB-toernooi in Engeland, is van die 20 deelnemers die laagste op die nuutste IRR-ranglys. Dis verder interessant dat Namibië die enigste voornemende deelnemer in 2015 wat nog nooit ‘n WB-wedstryd kon wen nie.

 

Trouens, Namibië, wat die komende naweek teen die Franse Barbarians in die Stade Felix Mayol in Toulon speel, het ál 15 sy WB-wedstryde tot dusver verloor en sy gemiddelde wedstrydtelling is 65-10!

 

Die vertoningslys van die 25 lande wat tot dusver aan die WB-toernooi in 1987 deelgeneem het, is:

 

*- dui lande aan wat hulle vir 2015 se WB-toernooi gekwalifiseer het
Span en eerste
deelname
Gespeel Gewen Verloor Gelykop Punte
Vir
Punte
Teen
Sukses
%
1. Suid-Afrika (1995)  (*) 29 25 4 0 1009 378 86.21%
2. N-Seeland (1987) (*) 43 37 6 0 2012 584 86.05%
3.Australië (1987) (*) 41 33 8 0 1423 528 80.49%
4.Engeland (1987) (*) 40 29 11 0 1246 633 72.50%
5.Frankryk (1987) (*) 43 30 12 1 1354 762 69.77%
6.Skotland (1987) (*) 33 19 13 1 972 620 57.58%
7.Ierland (1987) (*) 30 17 13 0 819 584 56.67%
8.Wallis (1987) (*) 32 18 14 0 919 633 56.67%
9. Argentinië (1987) (*) 30 15 15 0 742 605 50.00%
10. Samoa (1991) (*) 24 11 13 0 585 608 45.83%
11. Fidji (1987) (*) 24 9 15 0 538 762 37.50%
12. Italië (1987) (*) 24 9 15 0 455 811 37.50%
13. Tonga (1987) (*) 21 6 25 0 335 731 28.57%
14. Uruguay (1999) (*) 7 2 5 0 98 352 28.57%
15. Kanada (1987) (*) 25 7 16 2 469 680 28.00%
16. Roemenië (1987) (*) 24 5 19 0 305 939 20.83%
17. Georgië (2003) (*) 12 2 10 0 144 401 16.67%
18. VSA (1987) (*) 21 3 18 0 300 736 14.29%
19.Japan (1987) (*) 24 1 22 1 428 1158 4.17%
20.Namibië (1999) (*) 15 0 15 0 144 974 0.00%
21.Zimbabwe (1987) 6 0 6 0 84 309 0.00%
22.Rusland (2011) 4 0 4 0 57 201 0.00%
23.Portugal (2007) 4 0 4 0 38 209 0.00%
24.Ivoorkus (1995) 3 0 3 0 29 172 0.00%
25.Spanje (1999) 3 0 3 0 18 122 0.00%

 

Cell C-gemeenskapsbeker

 

Die Impala-rugbyklub van Rustenburg, huidige SA Cell C-gemeenskapsbekerkampioen, sal in 2015 sy titel op sy tuisveld verdedig, want die uitklopwedstryde van dié kompetisie sal in die Paasnaweek op dié klub se velde beslis word.

 

Impala kom vroeg in die nuwe jaar in drie wedstryde te staan teen onder andere die huidige Varsitybeker-kampioen, die Ikeys (13 Januarie), gevolg deur kragmetings teen die Universiteit van Johannesburg (19 Januarie) en Tukkies (24 Januarie).

 

Durbanville Bellville het die afgelope Saterdag die 20ste en laaste deelnemer aan 2015 se kompetisie geword nadat dié Kaapse span Upington-dorp met 82-26 verslaan het.

 

Die loting is ook intussen gedoen en dis interessant dat Coillege Rovers (KZN), SA klubkampioen in 2010 en 2012 en naaswenners in 2013, saam met twee swaargewigte soos Raiders (Gaunteng) en Pretoria-Polisie (Blou bulle) in Groep B geloot is.

 

Die kompetisie begin in alle erns op 21 Februarie 2015 en oor die volgende vyf weke sal die 20 spanne mekaar die stryd aansê om ‘n plek in die Paasnaweek-toernooi tussen 2 en 6 April in Rustenburg. Die 12 wedstryde in die Paasnaweek word regstreeks gebeeldsend. Die twee topspanne in elke groep sal in Rustenburg in aksie wees.

 

Die vier groepe is:

 

Groep A – Rustenburg Impala (Luiperds – die kampioen), Old Selbornians (Grens), Springs (Valke), Durbanville-Bellville (WP), Port  Elizabeth SAPD (OP Kings).

 

Groep B – Raiders (Goue Leeus), Pretoria SAPD (Blou Bulle), Bloemfontein Crusaders (VS), Noordelikes (Limpopo Blou Bulle), College Rovers (KZN).

 

Groep C – Hamiltons (WP), Villagers Worcester (Boland, Sishen (Griekwas), Pacaltsdorp Evergreens (SWD), Wanderers Chiefs (Goue Leeus).

 

Groep D – Durban Collegians (KZN), Despatch (OP Kings), Welkom Rovers (Griffons), Ferros (Pumas), Wesbank (Boland).

 

Bokke en Proteas in ‘n T20-wedstryd

 

Die Springbokke en die Proteas pak mekaar op 5 Desember om die Nelson Mandela-gedenkbeker in ‘n T20-wedstryd op die Wanderers in Johannesburg.

 

Die Suid-Afrikaanse Rugbyunie (Saru) en Krieket Suid-Afrika (KSA) span saam met die Nelson Mandela-stigting om aan toeskouers ’n unieke kragmeting te bring op die eerste herdenking van die afsterwe van oudpres. Nelson Mandela.

 

Verskeie geldinsamelingsprojekte waarvan die opbrengste aan die Nelson Mandela-stigting gaan, sal daardie dag aangebied word.

 

“Die afsterwe van Madiba het ons almal as Suid-Afrikaners tot in ons diepste wesens geruk en het ons met ’n gevoel gelaat om iets te doen om sy nalatenskap te laat voortleef,” het mnr. Jurie Roux, uitvoerende hoof van Saru, gesê.

 

“Hy het onverpoos gewerk om mense van verskillende gemeenskappe bymekaar te bring en hierdie wedstryd doen ook op ’n klein manier ’n deel.

 

“Die skenking wat gemaak sal word vir sy stigting is ons bydrae tot die pogings om sy werk voort te sit. Die Springbokke het verlede jaar se kragmeting met die Proteas werklik geniet en wil hierdie tradisie voortsit,” het mnr. Roux gesê.

 

Gewese Namibiese rugbykaptein oorlede

 

’n Voormalige kaptein van die Namibiese rugbyspan, Piet du Plooy (49), is die naweek oorlede. Dié voormalige Namibiese slot het tussen 1992 en 1994 vyf keer vir sy land uitgedraf.

 

Du Plooy het Donderdag ’n hartaanval gehad en is hy vir behandeling in die Katolieke hospitaal in Windhoek opgeneem. Du Plooy, wat vroeër in sy lewe ’n stryd teen bloedkanker oorleef het, het diep spore in Namibiese sport as ’n administrateur getrap.

 

Hy het veral ’n groot versoeningsrol in Namibiese sportkringe gespeel. Hy was ook ’n belangrike figuur in die Namibiese toerismebedryf.

 

(*) Inligting deur Frikkie van Rensburg

Posted by Pierre on November 13th, 2014 under General • 1 Comment

Toyota Cheetah Bulletin 37 – 7 Nov

Lindsay Mould weer in die

President-stoel

 

ONDERWYL die wêreld se top-rugbyspelers, -afrigters en -skeidsregters van môre af hul vere met die eerste reeks van agt toetse in Europa vir aanstaande jaar se Wêreldbeker-toernooi in Brittanje begin regskud, het provinsiale rugby-unies en klubs in Suid-Afrika húl organisasie vir die 2015-seisoen met húl jaarvergaderings in orde begin kry.

 

Die Vryastaatse Ruigby-unuie se jaarvergadering is aanstaande Woensdag, maar dié gróót nuus die afgelope week in Cheetah-land was dat daar geen nuwe kandidate vir president van die VRU, wat amateurrugby behartig, was nie. Toe die benoemings vandeesweek gesluit het, was mnr. Lindsay Mould die enigste benoemde en hy sal dus eerskomende Woensdag op die VRU se jaarvergadering onbestrede vir die volgende drie jaar tot president vir sy tweede termyn herkies word.

 

Mnr. Cedric Carson, die adjunkpresident van die VRU, se termyn van twee jaar verstryk einde 2015.

 

Dan is mnre. Ryno Opperman en Ernest Beck ook vir twee jaar herkies as direkteure van die Vrystaat-Cheetahs-Maatskappy. Opperman is ook die voorsitter van die Vrystaat-Cheetahs-Maatskappy se direksie.

 

Dit het ook intussen bekend geword dat mnr. Mould aan die einde van die 2014-skooljaar ná 23 jaar as skoolhoof van Grey-kollege (Primêr) gaan aftree en dat hy hom voortaan heeltyds op rugbysake gaan toespits.

 

Mnr. Mould sal ook voortaan die rol van administratiewe bestuurder by die VRU vertolk. In dié pos sal hy deel van wyle mev. Gerda von Solms, wat uitvoerende hoof van die VRU was, se take oorvat. Von Solms is op 5 April 2013 oorlede.

 

Hy het in ‘n onderhoud met Jóhann Thormählen van Volksblad gesê: “Dinge lyk baie belowend vir volgende jaar. Daar’s heelwat om op trots te wees. Die Shimlas én Ixias gaan in 2015 Varsitybeker-rugby speel en die Crusaders-rugbyklub sal aan die Gemeenskapsbeker deelneem.

 

“Boonop het die Vrystaat se Vodacombeker-span vanjaar net-net ’n halfeind misgeloop en verskeie amateurspanne het presteer. ’n Verdere doelwit is om spelers soos Cornal Hendricks in die platteland te gaan soek en sodoende groter ondersteuning aan die Vrystaat-Cheetahs-Maatskappy (wat verantwoordelik vir professionele spanne is) te gee.”

 

Mnr. Mould sê hy stel hom ook dit ten doel om mnr. Harold Verster, besturende direkteur van die Cheetahs-maatskappy, voortaan beter by te staan.

 

Klubs kies nuwe besture vir 2015

 

Met die oog op die VRU se jaarvergadering aanstaandse Woensdag het al die klubs in die unie reeds húl jaarvergadering gehou om hul verteenwoordigers na die VRU-jaarvergadering aan te wys en ook om hul nuwe besture en afrigtingstrukture vir 2015 reg te kry.

 

Van die klubs wie se besonderhede ons gekry het, is:

 

Collegians

 

Sedert sy stigting in 1902 die oudste klub in die VRU. Die bestuur is: (Ere)President: Bert Sorour; Voorsitter: Francois Retief (083 390 2010); Ondervoorsitter: Nic Allen (082 808 3851; Sekretaris: Barnie van der Vyver (082 898 7632); Tesourier: E. Gordon (083 440 2354); Klubkaptein: Sal deur die spelers begin 2015 aangewys word; Hoofafrigter: Hennie Coetzee; Tweedespan afrigter: Johann du Toit; o.19 & o.23-hoofafrigter: Bill Labuschagne; Kluboefendae: Maandag, Dinsadag & Donderdag (18:00 – 20:00). E-posadres: VDVyvBD1@telkom.co.za; Kontakbesonderhede:

 

Ander wetenswaardighede: Collegians is terug by die Ramblers met nuwe rugbyveld teen die hoofgebou, én Collegians het die gebruik van die Kohler-kamer teruggekry en is besig om al die jarelange kultuur van Collegians die afgelope 112 jaar weer terug te bring. Die oudste eersteliga-klub in die Vrystaat beplan om o/19-, o.23-, tweede en eerste span in die 2015-ligas in te skryf. Collegians is die enigste oopklub wat vir jong spelers ‘n o.19- & o.23-span bied om in te speel wat nie verder gaan studeer nie. Collegians het op ‘n spesiale vergadering ‘n bemarkingslogo goedgekeur vir gebruik in 2015. Die rede vir die besluit is om jong spelers te trek en te bou op sukses wat mnr. Bill Labuschagne met die o.21-span in die 2014 seisoen behaal het en die Stadsbeker in die derde liga gewen het. Collegians bied ook aksie netbal aan vir die rugbyspelers se meisies of gades. Collegians se ou manne, die Fannagalos, is ook weer besig om sake met die ondersteunersklub te herstel. Collegians se rugbyklub streef daarna om ‘n gesinsklub te wees vir oud en jonk, Aldus mnr. Retief, die voorsitter.

 

SUT

 

Voorsitter: Lou Nieuwoudt; Ondervoorsitter: André Pawson; Lede: Faai Ekkert en Hannes Klopper; Klubkaptein: Eduard Potgieter; Hoofafrigter: Skillie Bester; Hulpafrigter: Jan du Toit; Kluboefendae: Maandag tot Donderdag; Klubsekretaris: André Proos aproos@cut.ac.za (079 065 5745).

 

Ander wetenswaardighede: Die eerste span van die SUT het in 2013 en 2014 die Varsityskild-kompetisie gewen en het daarom deelname aan die Varsitybeker-reeks in 2015 verkry.

 

Weermag

 

Voorsitter: Lt.Kol. M.C. Klopper (082 770 6565); Ondervoorsitter: Abraham Assegaai (082 451 5853); Sekretaris: Justin Boonzaaier (073 468 4649); Klubkaptein: Inus Ras; Hoofafrigter: Eustace Lemmetjies; Hulpafrigter: Jan Klein; Kluboefendae: Maandae, Dinsdae, Donderdae (18:00-19:30); E-posadres: jboonzaaier67@gmail.com.

 

Warriors

 

Voorsitter: Romeo Carson; Ondervoorsitter: Lee-marco Scholtz; Sekretaris: Roger Malan; Lede: William Valentine, Brenda Malan, Gladwin Colby; Klubkaptein: Clint Carson; Hoofafrigter: Calloway Jongha; Hulpafrigter: Lee-marco Scholtz; Kluboefendae: Maandae, Dinsdae, Donderdae; E-posadres: romeo@cibapac.com. Die klub benut die geriewe van die Schoemanpark-sportklub.

 

Universiteit

 

 

President: Prof. Basie Verster; Voorsitter: Marius van Rensburg; Ondervoorsitter: prof. Okkie Combrinck; Ondervoorsitter: Rugbysake aan die UV: Dougie Heymans; Ondervoorsitter: Koshuisaangeleenthede: Rocky le Roux; Klubkaptein: Chase Morrison; Onafhanklike persone: Ryno Oppwerman, Adries Mogotsi; UV Hoofafrigter: Jaco Swanepoel; Shimla-afrigter: Franco Smith; Shimlastigting-verteenwoordiger: dr. Brand Claassen;Kluboefendae: Maandag tot Donderdag; Klubsekretaris: André Proos aproos@cut.ac.za (079 065 5745).

 

Wetenswaardighede: Die Kovsie-rugbyklub het die Stadsbeker sedert sy totstandkoming in 1912 reeds 43 keer ingepalm en is die huidige Vrystaatse klubkampioen. Die UV is verreweg die teelaarde van top-spelers vir internasionale spanne en ander provinsies. Altesame 72 Springbokke het al ‘n draai op die Bult in Bloemfontein gemaak, terwyl sewe Kovsies toetsrugby vir ander lande gespeel het. In die Springbokspan wat Saterdag teen Ierland in Dublin speel, was twee Kovsies – Oupa Mohoje en Coenie Oosthuizen – én twee oud-Kovsies – Jannie en Bismarck du Plessis.

 

Steyners

 

(Ere)President: Gonval Store; Voorsitter: Willie Pretorius; Ondervoorsitter: Nicky Fourie; Sekretaris: PG Weldhagen; Lede: Jannie Pretorius, Hennie Pretorius, Hennie Steyn; Klubkaptein: Henry de Wet; Hoofafrigter: Gonval Store; Hulpafrigter: Gunnie Store; Kluboefendae: Maandae, Woensdae, Donderdae; E-posadres: petrusw@netstar.altech.co.za; Kontakbesonderhede: 082 462 0822.

 

Skeidsregters

 

Voorsitter: Albert Mocke; Ondervoorsitter: Johan Wasserman; Sekretaris: Schübel O’Reilly; Lede: Wimpie Jonker, Shawn Kortje, Philip Phillip Kotze, Andries Kruger, Weyers Strydom, Dennis Tobias; E-posadres: schubel@fsrugby.co.za; Kontakbesonderhede: 051 407 1732 (w), 084 797 4491 (sel).

 

Húlle hét Cheetahs-vlag hoog

laat wapper

 

Rugbylui uit Cheetah-land het sedert verlede naweek af oor die wye wêreld die VRU se vaandel hooggehou:

 

Springbokke – Ses huidige Cheetahs – Willie le Roux, Cornal Hendricks, Teboho Mohoje, Adriaan Strauss, Trevor Nyakane en Coenie Oosthuizen – asook twee gewese Cheetahs, Jannie en Bismarck du Plessis – en ‘n man wat op Grey in matriek was – Cobus Reinach – is in die Springbokspan ingesluit vir die toets teen Ierland in Dublin. Én om dinge baie interessant te maak, sal die Bokke teen ‘n oud-Kovsie en Cheetah-haker, Richardt Strauss, te staan kom. Adriaan Strauss is ‘n neef van Richardt. Richardt se broer, Andries (senter), is ook ‘n oud-Kovsie en oud-Cheetah, én het ook vir die Springbokke gespeel.

 

Namibië – Torsten van Jaarsveld, kaptyeinn en haker van die Toyota Vrystaat-Cheetahs se Curriebeker-kapterin in 2014, speel vanaand in sy tweede toets vir Namibië wanneer Kanada in Parc Eirias, Colwyn Bay, Wallis, speel.

 

Wallis teen Australië (Cardiff) – Jaco Peyper, ‘n oud-Kovsie, is môre die plaasvervanger-skeidsregter in hierdie toets, wat deur Craig Joubert beheer word. Jaco het verlede Saterdag die wedstryd tussen die Barbarians en Australië op Twickenham in Londen beheer, en is weer in beheer van die toets op 22 November tussen Engeland en Samoa op Twickenham.

 

Barbarians (teen Australië en Leicester Tigers) – Twee oud-Shimlas – Sarel Pretorius en Heinrich Brüssow – het vir die Barbarians in Engeland uitgedraf en goeie spel gelewer.

 

Night with the Coaches – Franco Smith, gewese Springbok en agterlyn-afrigter van die Vrystaatse rugbyspan en die Shimla-afrigter, is betrek by die Night with the Coaches wat op 20 November by die Midstream-kollege deur The Matchpoint Foundation in Pretoria aangebied waar van die land se top-sportlui oor hul nering en wedervaringe in die sportwêreld sal praat. Die idee waar ander afrigters, ouers, atlete, skole en federasies by die bestes kan leer deur na hulle te kom luister, was dié van John-Laffnie de Jager, tennisafrigter en president van die wêreldwye Beroepstennisafrigtersvereniging (GPTCA).

 

Suid-Afrika neem afskeid van

dié rugbyseuns

 

Tinus Linee (45) – Die rugbyspan van Westelike Provinsie sal Sondag in Londen teen Saracens met swart armbande speel om die WP- en Springbok-senter Tinus Linee te eer. Linee is die afgelope Maandag oorlede ná hy sy stryd teen motorneuronsiekte verloor het. Hy is in April 2013 met dié siekte gediagnoseer. Tinus het 112 wedstryde as senter vir die WP tussen 1992 en 2001 gespeel. Daar sal ook ’n minuut van stilte voor die stryd op Allianz-park gehou word.

 

Doppies le Grange – Wat sedert 2003 senter vir die Goue Leeus, Katte en die afgelope,Curriebeker-seisoen vir Griekwas in by die 200 eersterangse wedtsryde gespeel het, het sy uittrede aangekondig. gespeel het.

 

André Pretorius (35) – André, wat in 33 wedstryde (31 toetse en 2 weeksdagwedstryde) vir die Springbokke gespeel, in 71 Super-wedstryde (661 punte) en in altesame 215 eersterangse wedstryde 1 993 punte aangeteken het, het ook sy uittrede aangekondig. André het ook ‘n draai in Frankryk egmaak waar hy vir Toulon (2011) en Carcassonne (2013) uitgedraf het.

 

Marius Jonker (46) – Marius, wat tussen 1999 en 2014 in 28 toetse, 53 Super-wedstryde en in meer as 100 Curriebeker-wedstryde as skeidsregter opgetree het, het verlede Saterdag ná sy laaste toets – Namibië teen Duitsland in Windhoek – sy skeidsregter-fluitjie opgehang.

 

Jacques Botes (34) – Skitterende flank van die Haaie, wat die afgelope klompie dae in twee wedstryde vir die Britse Barbarians teen Australië en Leicester Tigers gespeel het, het óók sy laaste eersterangse wedstryd gespeel. Botes het in sy loopbaan 292 eersterangse wedstryde gespeel, onder andere in die SA rekordgetal van 156 Curriebeker-wedstryde.

 

Saru se interprovinsiale 7’s

 

Sestien mans- en 18 vroue-spanne het verlede week aan die interprovinsiale sewestoernooi by die Weskus-skool in Saldanha deelgeneem.

 

Die Blou Bulle, wat die Luiperds met 40-28 geklop het, en die Grens A, wat die Vrystaat met 33-0 verslaan het, het die mans- en vroue-titel onderskeidelik ingepalm.

 

Die uitslae van die halfeindstryde is:

 

Mans – Luiperds kl Boland 14–7; Blou Bulle kl WP 28-12.

Vroue –Grens kl Blou Bulle 24-0; Vrystaat kl KZN 21-14.

 

Wêreldbeker-spanne loop kwaai deur

 

Japan, nommer 11 op die nuutste wêreldranglys van die Internasionale Rugbyraad, is deur die span van die Nieu-Seelandse Maori’s in die Noevir-stadion in Kobe met 61-21 afgeslag, terwyl die VSA, wat 18de op die IRR-ranglys is, deur ‘n uitgedunde nommer 1 ter wêreld, Nieu-Seeland, in die Soldier-sokkerstadion in Chicago voor 62 000 toeskouers met 74-6 verneder is.

 

Interessant is dit dat Japan en die VSA albei in Groep B saam met Suid-Afrika, nommer 2 in die wêreld, Samoa en Skotland vir 2015 se WB-toernooi gegroepeer is.

 

Dit was die VSA se derde toets teen Nieu-Seeland. Nieu Seeland het ook die twee vorige toetse op ‘n drafstap gewen: in 1913 in Berkeley, Kalifornië met 52-3; én, in 1991 in Kingsholm, Gloucester, op die WB-toernooi met 46-6. Dit was die 20e keer dat Nieu-Seeland in ‘n toets meer as 70 punte aanteken en meer as 10 drieë druk.

 

Én op Twickenham in Londen het die Barbarians aanvanklik met allerlei truuks – vreeslike diep lynstaaningooie en soms by die losskrums waar omtrent die hele agterlyn ingespring en gehelp druk het – vorendag gekom, maar die konstruktiewe spel van die wallabies het hulle gehelp om met 40-36 te seëvier.

 

Die Barbarians het Woensdag hul tweede en laaste wedstryd teen Leicester Tigers op Welford Road maklik met 59-26 gewen. Juan de Jongh, die Springbok-senter en kaptein van die Curriebeker-kampioen, WP, het twee van die Barbarians se nege drieë gedruk.

 

Die puntemakers is:

 

Australië 40 (drieë: Tom Carter, Benn Robinson, Tevita Kuridrani, Rob Horne, Bernard Foley, Sean McMahon; doerl: Quade Cooper 3, Foley 2); Barbarians 36 (drieë: Frank Halai, Adam Thomson, Francis Saili, Nick Cummins, Marnitz Boshoff; doel: Colin Slade 2, Boshoff 2; straf: Salde).

 

Japan 21 (drieë: 2 Strafdrieë, Lelei Mafi; doel: Ayumu Goromaru 3); NS Maori’s 61 (drieë: Chris Eves, Jason Emery 2, Sean Polwart, Ihaia West, Nehe Milner-Skudder, Charlie Ngatai, James Lowe; doel: West 6; straf: West 3).

 

Nieu-Seeland 74 (drieë: Nathan Harris, Cory Jane, Patrick Tuipoluto, Sonny Bill Williams 2, Charles Piutau, Julian Savea 2 – hy’t vanjaar reeds 10 drieë gedruk en 29 drieë in 30 toetse, Joe Moody, Aaron Cruden, Israel Dagg, Sam Cane; doel: Cruden 4, Dan Carter 3 – sy toetstotaal is nou 1 448 punte in 101 toetse); VSA 6 (straf: Adam Siddall 2).

 

Barbarians 59 (drieë: Juan de Jongh, Thomas du Toit, Francis Saili, Heinrich Brüssow, Tom English, Michael Rhodes, Tevita Li, Jacques Botes; doel: Marnitz Boshoff 5, Saili, Botes – die laaste punte van sy loopbaan én van dié wedstryd); Leicester Tigers 26 (drieë: Freddie Burns, Jamie Gibson, Christian Loamanu, Paul Grant; doel: Owen Williams 2, Grant).

 

Uitslae oor die wêreld

 

Nasionale Rugbykampioenskap (Australië) – Brisbane City het die nuwe Nasionale Rugbykampioenskap-reeks in Australië gewen deur Perth Spirit met 37-26 in die eindstryd in Sydney te klop.

 

Top 14 Orange (Frankryk) – Toulon kl Grenoble 61-28, Bayonne kl Clermont Auvergne 24-13, Stade Francais kl Bordeaux Begles 39-22, Oyommax kl Racing Metro 21-17, La Rochelle kl Montpellier 21-15, Brive kl Castres 21-15, Toulouse kl Lyon 41-17

 

FIRA D2-kampioenskap – Letland kl Hongarye 16-14; Bulgarye kl Turkye 26-19; Malta kl Kroasië 31-26; Ciprus kl Andorra 30-10.

 

 

Spelers én beamptes begin spiere vir

2015 se WB-toernooi bult

 

In die volgende vier naweke gaan meer as 700 spelers van 24 internasionale spanne mekaar in 37 toetse pak, wat deur 20 skeidsregters van 8 lande beheer word. Hierdie einde-van-die-jaar-toetse word vanjaar allerweë deur die beamptes en spelers gebruik om hul “vere reg te skud” vir 2015 se Wêreldbeker-toernooi in Brittanje.

 

Dis gewoonlik hierdie tyd van die jaar dat die reuse van die Suidelike Halfrond – Nieu-Seeland, Suid-Afrika, Australië en Argentinië – die Sesnasie-lande van die Noordelike Halfrond – Engeland, Ierland, Wallis, Frankryk, Skotland en Italië – binneval.

 

En van die voorste “klein hondjies” gaan dié keer saamjag.

 

Die top-aanspraakmakers op die William Webb Ellis-beker gaan mekaar sommer vroeg pak wanneer Nieu-Seeland sy kragte môre reeds teen Engeland, Ierland teen Suid-Afrika en Australië teen Wallis spiere gaan meet.

 

Maar dis nie net die spelers in die verskillende spanne wat vandeesmaand reeds hul kleim vir aanstaande jaar se WB-toernooi by hul nasionale afrigters wil begin afsteek nie. Ook die top-skeidsregters ter wêreld is oorgehaal om net beste voetjie voor te sit om die geleentheid te kry om as blasers na die WB-toernooi genooi te word.

 

Die volgende skeidsregters sal onder die loep geneem word:

 

Frankryk – Romain Poite,Jérôme Garcès, Mathieu Raynal, Pascal Gauzère.

Engeland – Luke Pearce, Wayne Barnes, JP Doyle.

Suid-Afrika – Craig Joubert, Jaco Peyper, Stuart Berry.

Nieu-Seeland – Glen Jackson, Nick Briant, Mike Fraser.

Ierland – Johnny Lacey, George Clancy.

Japan – Shuhei Kubo, Akihisa Aso.

Wallis – Nigel Owens, Leighton Hodges.

Argentinië – Federico Anselmi.

 

Die volgende toetse vind dié naweek plaas (die spanne se nuutste IRR-wêreldranglys en die name van die skeidsregters word tussen hakies gegee):

 

Vandag

 

Parc Eiras, Colwyn Bay, Wallis – Kanada (nr 17) t Namibië (22):  SKEIDSREGTER: Stuart Berry (SA).

 

Môre

 

Prince Chichibu, Tokio – Japan (11) t NS Maori’s: SKEIDSREGTER: Angus Gardner (Aus).

 

Twickenham, Londen – Engeland (3) t Nieu-Seeland (1): SKEIDSREGTER: Nigel Owens (Wallis).

 

Millennium-stadion, Cardiff – Wallis (6) t Australië (4) : SKEIDSREGTER: Craig Joubert (SA); Plaasvervanger-skeidsregter: Jaco Peyper (SA).

 

Stadio Cino e Lilipo Del Duca, Ascoli Piceno: Italië (14) t Samoa (9) : SKEIDSREGTER: Steve Walsh (Aus).

 

Mikheil Meshki-stadion, Tiblisi: Georgië (15) t Tonga (13) : SKEIDSREGTER: Pascal Gauzere (Frank).

 

Aviva-stadion, Dublin: Ierland (5) t Suid-Afrika (2) : SKEIDSREGTER: Romain Poite (Frank).

 

Murrayfield, Edinburgh: Skotland (8) t Argentinië (10) : SKEIDSREGTER: Wayne Barnes (Eng).

 

Le Nouveau Stade Velodrome, Marseille: Frankryk (7) t Fidji (12) : SKEIDSREGTER: Glen Jackson (NS).

 

Stadionul National Arcul de Triumf, Boekarest: Roemenië (16) t VSA (18) : SKEIDSREGTER: Leighton Hodges (Wallis).

 

Kings Park Sports Ground, Hongkong: Hongkong (24) t Rusland (20): SKEIDSREGTER: Akihisa Aso (Japan).

 

Posted by Pierre on November 7th, 2014 under General • No Comments

Free State Rugby – Elections

Die nominasie vir die Presidentskap van die Vrystaatse Rugby Unie asook vir die Direkteure van die Vrystaat Cheetahs (Edms.) Bpk. het op Dinsdag, 4 November om 12:00 gesluit.

Daar was geen nuwe nominasies nie en die President Mnr. Lindsay Mould is derhalwe vir ‘n verdere termyn van drie jaar as President van die Vrystaatse Rugby Unie herkies.

Daar was ook geen verdere nominasie vir Direkteure van die Vrystaat Cheetahs (Edms.)Bpk. nie en Mnre. Ryno Opperman en Ernest Beck is vir ‘n verdere termyn van twee jaar herkies.

Mnr. Opperman is ook die Voorsitter van die Direksie van die Vrystaat Cheetahs (Edms.) Bpk.

Dit dui op stabiliteit en kontinuïteit in die geledere van Vrystaat Rugby.

 

The nominations for the Presidency of the Free State Rugby Union as well as for the Directors of the Free State Cheetahs (Pty) Ltd. concluded on Tuesday, 4 November at 12:00.

No new nominations were received.  Mr. Lindsay Mould was therefore reappointed as President for a term of another three years.

The two Directors, Mr. Ryno Opperman and Mr. Ernest Beck were also re-elected for a further term of two years, as Directors of the Free State Cheetahs (Pty) Ltd.

Mr. Ryno Opperman is also the Chairman of the Board of Directors of the Free State Cheetahs (Pty) Ltd.

This is an indication of consistency, continuity and stability in the ranks of Free State Rugby.

Posted by Pierre on November 4th, 2014 under General • 1 Comment